港女搭飛機遲大到 上唔到機爆粗遷怒地勤
廣告
「唔通要我喺度等呀？九唔X搭八！」日前網上有一港女大鬧機場地勤的片段流出，據知一班有男有女的乘客，喺機場禁區歸咎過關排隊時間太長，最後遲了八分鐘到達登機閘口，以致未能上機。當地勤告知要補錢轉乘其他航班後，其中一名港女戴黑超港女隨即發爛，爆晒粗大鬧職員…
撰文：東方新地｜圖片：網上圖片
港女遲大到 上唔到機爆粗遷怒地勤
片段疑早喺聖誕節假期，直至近日先在網上流傳。據網民指，班機開 09:10 a.m.，但呢一班有男有女的乘客09:18先到閘口，然後歸咎過關排隊時間太長，所以先遲到。( 最底有片 ) 地勤女職員當然解釋，旅客有責任預早到機場，點知有人隨即發脾四：「你知節日好Ｘ多人，跑過嚟呀！仲要補錢？你冇嘢呀？」
當地勤告知要補錢轉乘其他航班後，港女又繼續鬧：「依家拿拿臨安排下一班機畀我啦，快啦！唔通要我喺度等呀？九唔X搭八。」其實搭飛機要早去機場是常識吧，準時到閘口就唔使多講㖭啦，點解總係有啲人咁蠻不講理？話說片中班機場職員服務態度夠好，保持冷靜，真係要俾返個Like啊！
港女歎Coffee搞到遲？
另外，就有網民指出，見到佢惡港女一行人原來事前去咗買咖啡，其實係咖啡店排長龍先搞到送機尾！哦，明白晒，原來惡人先告狀！
更有網民質疑，「機場帶黑超？是否一早打算上鏡？」
有片睇，大家評評理：
Posted by O咀新聞台 on Monday, 16 April 2018
