港女無知玩公審 老屈小店後嬲豬禁留言
廣告
公審之都，就是香港！今時今日香港地，覺得自己遇到有咩不公不滿，放上FB公審是常識吧！日前一名港女喺FB群組出post，怒指元朗一間文具舖為「黑店」，話說佢幫襯文具店嘅Fax服務，店方明確實價例明「一份4蚊」，但港女似乎有特別嘅理解方式……
原文：環球膠報｜圖片：Facebook群組「元朗吹水區」
無知港女玩公審
一名港女喺FB群組「元朗吹水區」出咗個post，指元朗一間文具舖為「黑店」，話說佢幫襯文具店嘅Fax服務，店方明確實價例明「一份4蚊」，以正常智商同常識嘅角度嚟睇，都會理解做「一份 = 一張」吧！不過呢名港女卻認為店方冇寫明一份有幾多張，咁即係無限張都得啦！爭拗就係咁嚟……
老屈小店後嬲豬禁留言
呢位港女要求店方幫佢fax一共11張文件，店方收佢44蚊，咁佢就覺得自己中伏，仲話隔離「7仔」都係10蚊份喎！咪先！11×10=110，其實仲貴喎… 除咗價錢問題，呢名港女仲話文具店職員整唔見佢啲文件，後尾佢又自己搵返喎！有趣有趣。
手機上網有無限Data ，餐廳有放題，估唔到Fax服務都有「無限張」，咁特別嘅「邏輯」，網民當然唔會同情，仲會踩多幾腳強烈恥笑啦！
嗱！呢碗豆腐花呢……就係抽佢水嘅！
俾人笑到嬲嬲豬，仲封鎖埋留言功能！不過又點會阻到網民繼續恥笑呢？
所謂曹操都有知心友，事主都有一班院友：
呢位港女除咗無知，應該都唔係好識字，「吾好再去呢間黑店」、「$44我吾係俾吾起」、「吾緊要既」、「甘做生意」，通篇「5P字」，令人有想「吾佢老X」嘅衝動！其實加返個口字邊有幾難？
