連登仔坐的士去京都清水寺 點知司機去咗……
廣告
日本的士出名好服務，司機都會穿著整齊西裝幫你開門放行李，但出晒名價錢昂貴，所以大部分遊客都甚少會乘坐。近日有位網民於連登討論區大呻「日本的士佬一樣咁衰」，原來佢打算坐的士去京都清水寺，點知就去咗另一隱世「清水寺」…到底係司機的問題，還是連登仔的錯？
撰文：Sophie | 圖片來源：LIHKG｜原文：GOtrip
連登仔坐的士去京都清水寺 點知司機去咗……
早前有網民於討論區投訴日本的士司機，指自己在日本旅遊人生路不熟，故打算坐的士去京都著名景點清水寺。由於不懂日文，樓主上車時就向司機出示了清水寺的網上圖片，結果⋯⋯
司機冇做錯到！
樓主一落車就知唔對路，不知名的街頭、零遊客，冇任何稱得上「寺」的建築物！樓主再向司機出示圖片，只見司機不停按車上的顯示屏，再駛至下一個街口，叫樓主下車再向右走一段路。好啦，最後搵到一座同熟悉的紅牆清水寺完全不一樣、白色牆兩層高的建築物，但個牌匾又真係寫著「清水寺」……
盛惠252港元 樓主落車超傻眼
樓主事後上載一張的士收據，指今次車費一點都唔平，車程共收費3610日元，即大約是252港元。
網友齊撐的士司機 真・清水寺
小編同唔少網民都覺得，又真係唔怪得個司機，因為真係去咗「清水寺」嘛！更有網民笑司機沒有帶樓主找清水健（日本AV男優）已經算不錯。
眼尖網民大發現 由東京出發到京都清水寺!?
另外有網民就發現，樓主在東京上車，而目的地清水寺則為於京都，就算坐新幹線都需時三小時，的士更可能要五小時以上。情況等同在深圳坐的士去北京，根本不可能有司機會載。而且費用一定比原本的貴好多倍！
不過樓主表示，佢上車時已經出示「京都清水寺」的圖片，不明白點解司機唔同自己講，反而帶佢去不知名的地方。有網民亦指出由東京去京都必先經過名古屋，很多時都會與乘客商量，在中間站再轉一次的士，有機會只是司機誤會了。
