廣東話有幾博大精深？睇睇你就知！
廣告
網上經常有普通話VS廣東話之爭，近日仲有幼稚園疑禁小朋友講廣東話，身為香港人，好多都以廣東話為母語，但咪以為識講等於識寫，揈攰𨀤嘍抖嗌吽哣嘥𢯎棹潲噉嚡腍腯啷厲譖匿韞撻𤶸掹㨴𤓓褪扽抿𨂾⋯⋯以上呢堆廣東話字我哋時時會用到，但如果拆開逐個字問你，你又識幾多個？
撰文：東方新地｜圖片：新傳媒圖片庫
廣東話作文示範：吊吊揈𢯎痕𢯎到損晒
網上流傳一篇廣東話作文示範，畀你睇吓點樣活用廣東話，唔使𢯎頭：
噚日吊吊揈一個人，行街行到好攰，差啲𨀤低，行到一間餐廳門口，個伙記嘍我入去食嘢，都好，入去抖下，嗌左碗魚蛋麵，吽吽哣哣等左好耐，嘥晒啲時間，坐坐下有嘢咬腳，𢯎痕𢯎到隻腳損晒，碗麵認真棹忌，好似豬潲咁嘅味，魚蛋唔滑嚡到死，啲麵又唔腍。隔離枱肥腯腯嘅阿叔一路食一路唔啹發啷厲鬧唔好食，譖氣到死，唔畀錢就走，仲鬧到個收銀匿喺枱底，韞自己響下面，廚房裏面即刻走咗個塊面有撻𤶸嘅大隻佬出嚟，佢㨴起個箱蓋，掹左支棍，段估佢係江湖大佬，開始有啲火藥𤓓味！佢掗住個門口，佢踹左阿叔一腳，仲推到阿叔褪到好抿坑渠邊，扽左落地。阿叔𠱓大隻佬放佢一條生路。我好彩冇出聲，真喺大步𨂾過。
朱晨麗近日在《棟仁的時光》中大跳苦練多月嘅鋼管舞，勁吸睛，佢透露初初來港時完全唔識聽又唔識講廣東話，選港姐時連用廣東話介紹自己個名都唔識，之後花咗好多心思去學先至有進步。
連國學大師都考起
以下廣東話詞據說連國學大師都被考起，你又識得幾多個？
䟴腳(un腳)
虢礫𡃈嘞(quick leg karc lark)
冚唪唥(hum pang laung)
捩咁𠾍(呢咁hair)
輘輷(警轟)
山旯旮(山卡啦)
咿唈(依泣)
俹簁(哪西)
娿哿(屙個)
㪐㩿(luck cut)
由馬來西亞來港發展8年嘅Ｇin Lee(李幸倪)當初亦係一句廣東話都唔懂，到依家可以用廣東歌6月喺紅館開騷，佢話係靠買語言書、聽mp3，同埋睇港產片學講廣東話，去年佢更報讀中文大學嘅粵語班課程，深入學習廣東話嘅正確發音。
