1.阿媽豆腐花

除了賣豆腐花，原來最出名係咖哩魚蛋！除了用咖哩汁煮之外，原來用陳皮魚蛋，所以比較有咬口，有陳皮味，食落甘甜回味！另外，燒賣亦都係熱賣產品，皆因同魚蛋一樣，都係只賣$3一串，難怪勁多捧場客！

價錢：$3起

好味指數：★★★★★(5星最高)

抵食指數：★★★★★(5星最高)

地址：旺角道30-36號寶安大廈地下D3舖

2.龍津美食

喺阿媽豆腐花旁嘅龍津美食，為了搶生意，都係賣$3一串魚蛋，而龍津美食所賣嘅魚蛋，並非向批發商入貨，而係以鯇魚等雜魚肉自家製魚蛋，所以一樣咁彈牙。另外，一碗魚蛋燒賣都好搶手，皆因$10有成18粒，包你食飽！

價錢：$3起

好味指數：★★★★★

抵食指數：★★★★★

地址：旺角道32號

3.文記果汁食品

雖然最平有$5豬耳、豬心肉等小食，但主力都係賣$7一串辣魚蛋，口感實淨，體積細小但有魚肉質感，而且辣油味夠重，入口不久已感灼喉，嗜辣者必愛。

價錢：$5起

好味指數：★★★★★

抵食指數：★★★★★

地址：亞皆老街83號先達廣場地下G2至G3號舖

4.通達食店

主打港式地道小食，除了可坐低歎其招牌碗仔翅外，門口更賣咖喱魚蛋，看着濃濃咖喱魚蛋及咖喱汁翻滾着，已不禁口水直流！不過，咖哩魚蛋辣勁頗強，一入口已直衝入喉嚨，而魚蛋好彈口，難怪要排隊先食到！

價錢：$9起

好味指數：★★★★★

抵食指數：★★★★★

地址：花園街172號

5.真知味

港式車仔麵店，有魷魚、豬腸、牛柏葉、魚皮餃等地道配料，也有生菜魚肉、碗仔翅，門口則擺有小食檔口，專賣燒賣、腸仔，當中以魚蛋最受歡迎，食落彈牙有魚味，不會一團粉，最正是自家秘製辣汁，香辣得來帶陣陣蒜香，超惹味。

價錢：$8起

好味指數：★★★★★

抵食指數：★★★★★

地址：花園街161A號

6.旦王

最初售賣魚蛋為主，故取名「旦王」，後來老闆專程到四川成都學師，賣$20碗重慶酸辣粉，遠遠已聞到一股麻辣香，一碗有成十多種配料，包括辣椒碎、醋、芫茜、榨菜、花生、肉碎等，麻辣勁道十足，配上煙韌的紅薯粉，索湯力強，愈食愈入味，辣得過癮！

價錢：$8起

好味指數：★★★★★

抵食指數：★★★★

地址：弼街72號地舖

7.東京站 章魚小丸子

睇個名以為只賣日本小食，非也！除了有$8蛋味香濃嘅雞強仔同格仔餅外，當然$10一串魚蛋及燒賣，連煙鴨胸肉都有；魚蛋同燒賣口感一般，不過其$14一串煙肉腸味道不錯，煙肉皮脆腸嫩，熱辣辣冬天食到暖入心！

價錢：$8起

好味指數：★★★★

抵食指數：★★★★

地址：豉油街33號地下

8.街頭食王

雖然都有售燒賣同魚蛋，但其實該店主打不同小食，其中$29嘅法式芝士肉醬薯條，口感不錯，肉醬鮮嫩，芝士份量十足，薯條放入口中可品嘗濃濃芝士味，配墨西哥辣醬更加惹味！

價錢：$10起

好味指數：★★★★

抵食指數：★★★★

地址：豉油街50號地下3C舖

9.雞蛋仔小食店

除了例牌$8中串香辣魚蛋及魚肉燒賣之外，五香牛雜絕對係該店代表作！牛雜炆得好腍，而且牛肚、牛腸內內臟五香味十足，再現上勁入味嘅蘿蔔，好味至極！

價錢：$8起

好味指數：★★★★

抵食指數：★★★★★

地址：花園街97號地下A1-A2舖

10.旺津果汁小食

專賣港式小食，魚蛋、燒賣、腸粉及煎釀三寶都有之外，沙冰都好多人buy！其中賣$20一杯嘅芒果同西瓜沙冰最受歡迎，啖啖果泥配

價錢：$10起

好味指數：★★★★

抵食指數：★★★★

地址：山東街40號P地下A1或A2舖

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk