鹽叔偷食｜鄭秀文回應偷食事件 鹽叔再被爆瞞婚「搞大肚」兄弟割席

好青年荼毒室（哲學部）成立於2016年11月14日，由13位香港中文大學哲學系學生組成，成員包括豬文（牛津大學博士）、鹽叔（倫敦國王學院博士）和阿泉（香港中文大學哲學系博士生）。頻道定期發佈用字淺白、通俗的哲學文章，推廣他們心中的「正嘢」，向世人揭示「哲學的本質是對生活/生命的思考」。

更新｜鄭秀文回應鹽叔偷食爆金句

鹽叔被爆「偷食2.0」搞到投訴者自爆墮胎翌日，鄭秀文周四旁晚出席活動會見傳媒，被問到合作單位竟爆出瞞婚偷食兼搞大粉絲個肚，Sammi分享了自己的見解：

我覺得呢件事，對我而言對歌曲的影響好少事，因為每首歌的宣傳、運作每首歌都有自己的安排，不用太擔心，反而覺得發生呢啲事大家都要畀啲時間當局中人，所有人都需要一啲時間去消化、沉殿，旁人講再多其實都幫唔到件事，要畀啲時間當局中人，我相信只有局中人先明白個感受。

被問鹽叔性格為人 鄭秀文咁講⋯⋯

記者問到她認識的鹽叔性格如何，Sammi就無直接回應：「其實我地拍MV都係幾個一齊，另外仲有兩位團員，就合作而言整個相處都好隔洽，做歌嘅過程，好青年荼毒室都好用心做呢隻歌。」

記者又追問Sammi 「好青年荼毒」發聲明斥責鹽叔並切割的看法，Sammi就強調無跟進個新聞，唔知對方如何處理，想講嘅係「就今次合作《愛是2.0》依然好感謝『好青年荼毒』的貢獻，因為佢哋真係好認真咁去做！」

鹽叔偷食｜爆料者長文指「上年11月頭我選擇咗終止懷孕」

昨晚有人在網上討論區開po，當中有多個粉絲通訊群（Discord）截圖，指另一受害人自行爆料，文中提到鹽叔瞞婚，而且每次對質時都大話連篇，以擠牙膏方式回應自己已婚及有小朋友的狀況，發文者指鹽叔滿口大話，由起初瞞婚，到聲稱會離婚，提到自己小朋友年齡亦有作假，最後該受害人更懷孕而選擇墮胎：「見到佢2017年有戴戒指嘅照片，有當面問佢，佢話已經離咗婚。」、「逼問之下承認其實根本冇離婚，仲有約一歲半嘅小朋友。」、「連登有人上年年中左右見過佢同大肚嘅太太行街。」、「佢同荼毒室講我有同佢一齊期間我有場大病佢無照顧到我，但佢口中嘅『大病一場』係上年11月頭我選擇咗終止懷孕。」

鹽叔楊俊賢承認隱瞞婚偷食

鹽叔（楊俊賢）日前在粉絲通訊群的聲明中，承認自己一直隱瞞已婚，並於活動中認識的女仔一齊，欺騙對方自己已婚，做成「好大嘅傷害」。在聲明中他承認「我自私，我軟弱，我利用咗佢對人嘅信任。」鹽叔又表唔求大家原諒，由於自私和不顧後果，其家人亦被傷害，「大家唔鍾意我係我deserve嘅」，並表示決定即時停止自己於荼毒室的活動。

好青年荼毒室獲邀與鄭秀文合作《愛是… 2.0》

不久前好青年荼毒室與鄭秀文合作推出新歌《愛是… 2.0》，作品是鄭秀文在2000年作品《愛是…》的全新版本，好青年荼毒室為《愛是… 2.0》Rap的部分帶來大量關於愛情哲學的反思，同時襯托出鄭秀文在23年內對其愛情經歷的反省。

鹽叔曾認自己不擅長安排時間

鹽叔兩年前接受《大學線 》專訪時，坦言自己他不擅長安排時間（他的形容是實務障礙「Practically handicapped」），不懂做上課用的簡報，普通人能做好的小事，去到鹽叔手上都會變得一塌糊塗：

「（影印課本時），印漏了兩行，100頁，錯；重印，又錯。後來打孔釘裝，所有紙都被釘爛了」

鹽叔形容自己可以將所有東西都懷疑一遍，尋根究底，哲學給予他無盡的發問空間：「凡事都問『為甚麼』的精神很適合我，亦給我很多自由的感覺，我不會這麼容易讓世界箝制。」