【史上最強】港女終極分手大法　港男：你到底想我點！

撰文：東方新地｜圖片：網上圖片

女人講嘢你明唔明

各位男士們，唔知你地又睇唔睇得明呢位港女表達緊甚麼，以下就是該名男士同港女女朋友的對話。

小編睇完！究竟，咁多點到底是想表達甚麼？「喂？手痕？叫我？定玩我啊？」當該名男士仲猜測的時候，原來早就已經暗藏殺機！而該名男士不明所意，決定冷靜對待。可惜佢忘記了，有謂「先下手為強，後下手遭殃。」個港女過咗三個幾鐘就問：「做咩唔應我」該名男士當時未知是躁躁哋，或者真的唔知道講甚麼，竟然就回應一句「你想我點應」。

最後個港女就回應一個「。」而呢一個句號就KO該名男士，更表示「有冇讀過中文，句號咪姐係講完」。之後港女就覺得該名男士完全了解自己，認為溝通唔到，於是表示「我哋分手喇」。所以該名男士就俾一堆點點點同一個句號KO了！呢個相信可以算得上是「史上最強港女終極分手大法」。小編表示：男士們唔好Sad，仲有小編陪你做單身狗！

小編認為，女朋友有少少港女唔緊要，只要不是「極品港女」。講真，萬一唔好彩，突然於街上賞你「奴才18巴」，仲叫你跪添，真係面都無埋。小編決定隨文附送一張極品港女性格鑑定表，等你早少少望清自己周圍有沒有妖魔鬼怪。

每中一樣加一分，開始！

1. 食咩又話是但，你㨂咗，佢又厭三厭四（大佬，有冇餐廳叫是但）

2. 永遠相機食先, 影完嘢食都凍埋（你有幾耐冇食過熱嘢）

3. Post張相上IG，就會唔理人，瘋狂修圖

4. 電話有唔同嘅美顏相機APP（較Filter都係一門學問）

5. 又想你就佢，你話「冇所謂」，就話你冇主見

6. 自已就收兵，但又唔中意你同女仔whatsapp（偷睇我電話係唔啱架）

7. 無論你錯定佢錯，都要氹番佢

8. 外表鬼妹性格, 內裏唔open。見到鬼佬就即刻鬼妹性格, 對住你就港女性格

9. 要你好痴身，如果佢搵你，你立刻覆佢（慢一秒你都GG）

10. EQ唔高，輕則黑面，大則發脾氣喺你身上

11. 戶外運動都著高踭鞋（腳痛又要你負責）

12. 成日話自己好肥,唔中意出汗，又唔去做運動

13. 成日同人比較（唔好比啦，你會自卑架）

14. 成日𥄫仔, 但係接受唔到男朋友𥄫女

15. 成日覺得自己係焦點, 出街成人覺得人地會望佢

16. 食完野永遠唔會主動俾番錢

17. 永遠遲到, 但係佢最憎人遲到（遲15分鐘嗰啲女仔算好了）

18. 覺得人哋對佢好係必然

19. 係fd面好好人，對住你就數人

21. IG圖文不符，自拍照配上有深度的文章或歌詞

22. 衣著偏向暴露，如愛低胸展示事業線、熱褲、露臍等

23. 要化妝先見得人（落咗妝就⋯⋯）

24. 衣物大都是購自知名的潮流品牌，唔潮唔追

25. 八卦講是非（停啦，好冇）

26. 睇唔起比自己窮嘅人，自以為是高人一等

如果你身邊有人中5樣或以下，恭喜你，清麗脫俗，仲唔追！

如果你身邊有人中5－15樣，忍到就忍啦，可以叫佢改改！

如果你身邊有人中16－20樣，勸你小心！

如果你身邊有人中21－26樣，男士們，辛苦你，唔好放候極出嚟害人！