中介訂酒店訂錯國家 客服：親，你可以選擇坐6日的士！
廣告
去旅行想自由行，又唔想太煩，有時就會選擇去旅遊網站中介訂酒店同機票，但你有冇諗過中介可以錯到離晒譜，訂錯咗酒店，仲叫你坐6日的士去？
原文：環球膠報｜圖片：新傳媒、網上圖片
中介訂酒店訂錯國家？
事情是咁的，有位內地嘅巴打「二村不停」就去自由行，佢就透過内地知名旅遊網站「馬蜂窩」訂俄羅斯海參崴嘅 Barbados Hostel，咁佢就開開心心出發啦，點知就出事！
但當佢去到海參崴嘅Barbados Hostel，諗住Check In嗰時，職員竟然話佢冇訂到房，仲話冇同「馬蜂窩」有任何合作關係！
巴打就即刻用短訊詢問「馬蜂窩」客服。
但個客服就好慢，唔知究竟邊度出咗錯？
一開始，客服就話只係訂錯時間。客服話：「係下午入住。」但巴打話：「而家係當地時間14：21。」
所以，事主就搵咗個中國朋友搵客服，最後先知，「馬蜂窩」竟然幫佢訂咗希臘嘅Barbados Island Hostel…… 真係要講句WTF！？
原來跟「馬蜂窩」同咗境外酒店的第三方供應商合作，個供應商訂錯酒店，原本應預訂海參崴嘅酒店，但最後訂咗希臘……
錯都離晒譜都算啦，個客服提供咗兩個解決方法，其中一個係，你無睇錯：「建議由俄羅斯乘的士往希臘住宿」！！！！！
你知唔知要坐幾日？6日呀！最後「馬蜂窩」喺事件後道歉，並賠償了巴打 8 萬元人民幣「的士費」！
