體檢後被告知患不孕症 男教授:「但我已有9名孩子！」
編輯：東方新地｜原文：Sundaykiss｜來源：《Oddity Central》｜圖片：Shutterstock
男教授體檢後被告知患不孕症
根據《Oddity Central》的報道，在摩洛哥西迪蘇萊曼市（Sidi Slimane）有一名男教授日前做完身體檢查後，發現了右邊睪丸位置出現了小囊腫，但教授認為沒甚麼大不了，因為小囊腫早在他35年前做婚前檢查時已經出現，多年來對身體都沒有太大影響。
不孕男生出9名孩子？
醫生及後著教授作進一步的檢查，卻有驚人的發現！原來這個小囊腫對身體雖無影響，但會使他罹患不孕症 ，教授當下目瞪口呆，因為結婚35年來，太太已經為他生下了9名孩子，無法相信自己不孕。
醫生解釋指，腫瘤已存在教授的體內已經50多年，令他的睪丸內根本沒有精子，屬為不孕症，因此那9名孩子不可能是他親生的。教授聽聞頓感愕然，認為自己結婚多年來，一直都是替別人養孩子，一家11口的幸福生活原來只是個騙局。
教授怒告太太通姦
得知自己被太太背叛後，教授決定離婚，並控告太太通姦；至於那9名孩子，教授亦決定與他們斷絕親子關係，免除所有家長的責任，不再替別人養「便宜孩子」。
根據摩洛哥的法例，凡犯通姦罪的人需負上法律刑責，只要一旦被裁定通姦罪成，教授的太太將會入獄，而9名孩子有可能會變成孤兒。
延伸閱讀：
大膽人妻與情夫於營地拖手散步 以為老公熟睡就唔知？
話說，台灣有位姓林嘅男子係個業餘車隊隊員，13年前與一名在髮廊工作嘅陳姓女子結婚，其後育有一對未成年嘅雙胞胎囝囝。本來生活都好似好好地，點知有次呢個老公就帶埋老婆參加車隊所舉行嘅露營活動，之後就出事嚕！
呢位人妻喺露營期間認識咗一名姓魏嘅單身男士，二人交換電話號碼，女方仲話咁做係想方便介紹啲女仔俾佢識，聽落真好似幾好咁！
冇幾耐，人妻就同老公因家中瑣事發生口角，魏男知道後梗係透過電話噓寒問暖，點知仲展開追求攻勢，甚至到人妻工作嘅髮廊搵女方！
之後，車隊再次舉辦露營活動時，二人竟趁林男熟睡時甜蜜拖手散步，好彩天網灰灰，出軌一幕被車友見到，一眾車友認為要將魏男除名，踢出車隊！
東窗事發後，呢位人妻一度向老公發訊息：「我和你總是硬碰硬個性觀念上的差異，無法平行難以溝通，傷害已造成也多說無益了」，而佢接受父母勸說，全數歸還林男所賺得嘅財產，直至上年二人無條件離婚，一對兒子則各自交由父母照顧！
不過林男認為根據台灣法律，前妻跟情夫侵害自己嘅配偶權，所以憤而控告佢哋，要求賠償100萬新台幣（約25.5萬港元）。法官認為被告侵害林男嘅配偶權，嚴重破壞婚姻關係，故判處兩人應向林男賠償20萬新台幣（約5.2萬港元）!
唔少網民睇到呢單綠帽事件後，有人就可憐對孖仔，同時亦有人笑言「外遇是要付出代價的」！
延伸閱讀：
女友堅持「獨遊」西藏 男友搜出大碼安全套先知戴綠帽
話說最近有位男網友喺內地論壇到分享長文，指自己好有文青氣質嘅女友突然辭職，唔理勤告堅持要獨遊西藏。點知女友返嚟後，男網友發現行李箱暗藏半盒用淨嘅大碼安全套，包裝顯示開口處直徑35mm粗壯尺吋，女友派綠帽已經令佢好嬲，最令佢發癲嘅係，情夫「尺吋」竟然係自己嘅兩倍！
樓主話女友係文青，平時出去飲杯嘢都要影十幾分鐘相，再配一句讀過書都會明嘅深奧字句。床頭又會有文學書，男網友就覺得呢個女仔唔錯咁，點知原來文青都鍾意派帽。其實女友都有叫樓主一齊辭職去西藏，不過踏實嘅樓主就考慮到生活費問題，話可以等到國慶假期先去喎！
好啦終於等到文青女友返嚟，樓主就緊係去火車站接佢啦，返到屋企就幫佢整理行李，點知發現夾層中間有半盒用淨嘅安全套，仲要係大碼35mm！樓主即刻覺得自己個頭綠綠地，所以就問女友：「你幾時將屋企嘅避孕套帶埋去？」女友就顯得神色慌張，話可能係之前去玩嘅時候帶埋。樓主聽到呢句就更加確定自己收到帽，因為原因一係屋企從來都唔用呢隻牌子，原因二係直徑35mm係樓主嘅兩倍！樓主即刻睇女友手機訊息，真係畀佢睇到女友同情夫嘅情慾短訊。
綠帽樓主嬲到即刻搬屋，不過女友都無即時留住佢，反而過咗2、3日後，女友突然想食回頭草，話想同樓主復合。不過樓主都蠢唔晒，佢估計係因為前女友無錢交租，想搵佢找數啫。事件引嚟唔少網民關注，有人話女事主同樓主講嘢時句句都「堅離地」，扮文青，相反同情夫講嘢就貼晒地。
不過更多人關注嘅係樓主「子孫根」尺寸，情夫用嘅安全套直徑係35mm，即係樓主係用17.5mm，形容佢「細佬」粗度同廚師腸差唔多。不過都有人認真研究，話內地安全套分大（35mm)、中(33mm)、小(31mm)、特小(29mm) 4種，所以樓主應該係用小號安全套，而唔係真係得17.5mm……
家姐撞破細佬女友偷食？
首先見到家姐表示：「昨日下班跟閃去看電影，遇到我弟女友也在看電影， 不過不是跟我弟而是跟另一個男的，男生會去牽女的手，等進場聊天有說有笑， 我是覺得動作蠻親密的啦，後來感覺有四目相接到，他很快就轉頭了。」 後來看完電影後忍不住傳訊給弟弟。
家姐懶好心咁Chok佢細佬同女友「荔枝」最近點～
家姐直接就嚟料，大爆細佬女友正同第二個男仔出街～
點知，細佬表示佢知道女友今日約咗朋友睇戲～家姐勁寸咁話，你唔係咁都信掛？ (咁又真係啊，係咪咁天真啊？)
之後家姐就不停發功，細佬最終都係「淆底」，打去問女友。呢個時候家姐開始用「超欠揍貼圖」不停攻擊佢～
好死唔死呢個時候佢女友又真係無聽電話～
家姐就認為一定係對方「心虛」！
跟住家姐仲展開第二次「超欠揍貼圖」攻勢，不停攻擊！
家姐施展各種「超靠北貼圖」嘅攻勢，完美瓦解咗細佬嘅防線，一度大發脾氣！
老實講，如果有個咁嘅家姐，真係唔知好嬲定好笑，完全亳不客氣～ ( 雖然有7-8成係打算食花生 )
家姐表示，事件相隔一日，細佬個女友回應表示𠴱個男其實係HeHe，所以根本唔需要擔心！
不過家姐就認為，一早估到佢會答「我們只是好朋友」，表示對呢個答案一啲都唔覺得意外。
家姐表示去公園抓「寶可夢」識？又唔見我識到金城武咁話～
家姐表示佢都有HeHe嘅朋友，但完全唔會好似佢地咁拖晒手咁行街囉～( 呢層就真係大家幫手判斷下喇 )
呢位細佬似乎已經好信任女友，完全唔認為有乜問題～
不過家姐就堅持自己睇法，深信佢細佬已經「帽事」！於是一直發「綠帽仔」同大量「超靠北貼圖」攻擊佢！
其實呢個世界就大把女啦～又何必自欺欺人係要做「帽事」呢～
好認同，真係無得救啦～！
