地勤人員淒慘實錄 你要知的8大注意事項
地勤人員提提你︰
好多香港人坐早機去旅行，都會選擇坐N車(通宵巴士)去機場。雖然去旅行就一定係好興奮好high，不過大家都要顧及吓其他人感受，因為坐N車的乘客之中有唔少都係機場職員，可能係返四點或者五點更，真心會想喺車上爭取時間休息。所以大家都應該有公德心，暫時壓制一下興奮的心情，唔好喺車上高聲吵鬧啦。
(2) 咩都要排隊是常識吧
地勤人員提提你︰
每逢大時大節都勁多人去旅行，所以大家心裏都明白預早2小時以上去到機場是常識吧。首先Check-in counter一定大排長龍，安檢又係排，就算食早餐都一樣係排！所以大家排隊時就唔好抱怨要排得耐或者人手不足，因為如果真係咁容易增加人手，地勤人員就唔使日日做足十幾個小時了…… 再者，如果乘客護照有問題，地勤人員絕對責無旁貸！所以佢哋仔細檢查清楚都係好應該的。
(3) 自己Passport自己check
地勤人員提提你︰
出外旅遊，其實乘客絕對有責任檢查自己的護照、回鄕卡或是Visa有冇過期、有冇足夠位置蓋印等等。另外又提醒眾多手多多的朋友，唔好喺護照胡亂蓋公仔印。事實上有唔少人去到機場先發現證件出問題，就即時對地勤人員破口大罵，咩阿爸阿媽都出晒，要求對方俾自己過關！不過大家要明白，如果俾你過關，唔單止地勤人員要付上責任，你自己一樣要原機遣返！
(4) 準時才是王道
地勤人員提提你︰
有好多Check-in counter都係航班起飛前一小時或者40分鐘就會關閉，大家無謂去到counter時大吵大鬧，話上次都可以照入！上次還上次，規矩還規矩，唔係用咩泊車塞車等的理由就可以過到關。一句到尾，準時先係王道！
(5) 廁所一早去定
地勤人員提提你︰
其實大家都好明白一早起身去機場係會肚餓或者會好想去廁所，但大家要明白呢啲都唔係遲到的藉口，好應該起飛前一小時就去到閘口，其實早咗到咪最多坐低hea陣，否則如果因為去個廁所搞到上唔到機，係幾咁……
(6) 一個遲到累全家
地勤人員提提你︰
Final call的意思，唔係叫你可以去廁所準備上機，而係叫你真係要行快幾步快啲去到閘口，一家幾多人行得慢都唔係理由，因為多人就更應該預早到！遲到係唔可以俾你上機，而上唔到機係可能牽連甚廣，例如有機會行李上晒機不過要特登揾返你嗰件出嚟。如果喺內地，就算遲一分鐘都可能都會飛唔到，總之就係有可能因為你遲到而令機上幾個人陪你冇得飛！
(7) 機票唔係話改就改
地勤人員提提你︰
同電視節目一樣，機票都係有好多種，不過唔好以為遲到上唔到機就隨便改另一班就得，因為好可能要另外再買！如果係大時大節去旅行，一家幾口要即時買另一班機的機票，真係好難會有位。仲有乘客要求機票要夠便宜、要揀坐窗口位乜乜乜…… 麻煩你去等候補機位啦。
(8)地勤人員要尊重
地勤人員提提你︰
其實人人都有爸爸媽媽生，有時乘客真係自己出錯的話就好應該自己承擔，而非發洩喺地勤人員身上，尊重別人之餘亦要尊重自己。小編相信有唔少人覺得做服務行業，人工就係包埋俾人鬧…… 不過咁，鬧還鬧就禍不及家人，你自己有問題的時候，點樣鬧人哋屋企人都係無用……
延伸閱讀：
出遊住酒店、民宿要小心！ 11招教你防偷拍
