Lilian Kan噴血直播！試穿多套性感內衣引網民圍觀

撰文：東方新地｜圖片：IGliliankan、FBPEACH JOHN Hong Kong Store

Lilian Kan晒噴血性感內衣照

社交平台超多靚相、迷倒萬千男士的Lilian Kan早前又嚟料，激罕晒噴血性感內衣照，盡顯豐乳、纖腰及美腿，男男女女都流到一地鼻血…… 點解咁激，因為Lilian預告星期二(11月20日) 會與一內衣品牌進行Live直播，分享揀內衣心得和穿搭方法等，更會穿內衣出鏡！大家當然萬分期待啦！

昨晚(11月20日) Lilian Kan聯同內衣品牌進行網上直播，佢事前搞笑指自己成日唔敢食嘢，仲係咁耐以來最緊張的一個Live！當然唔會一嚟就戲肉啦，直播一開始見到Lilian著上應該係自家品牌的靚靚裙，同女主持傾吓偈又介紹唔同款式內衣，都有唔少女網民留言問關於內衣的問題！

好快大家最期待的畫面就出現了！Lilian Kan換上第一套內衣，不過佢就過自己因為怕醜的關係，所以要加件外套！Lilian就話呢件功能性內衣比較貼身，無痕設計令女士們著衫後都唔會突出內衣邊乜乜乜……女士們可能的確有細心聽，不過男士們應該專心唔到啦！

大家唔好掛住睇內衣至得㗎！之後Lilian換上一件白色去街衫，配襯返剛才件白色內衣，大家覺得效果如何？

之後到另一套內衣！Lilian坦言非常喜歡呢個顏色，配埋件睡袍真係一流！同時集中的效果非常顯著，成個畫面即時波濤「胸」湧！

到最後一套粉藍色內衣啦！Lilian就話Push up效果非常出色，成個Shape非常好睇，似乎比之前兩套更逼爆！配埋套深藍色睡袍，好似遮都遮唔住～

早前Lilian Kan喺IG Story中預告，預告嚟緊會有啲相可能嚇親人，因為佢自己睇完都「嘩咗兩聲」，所以要俾定心理準備大家！不久後Lilian就分享一批廣告照，其中一張半身照明顯係扮緊《海賊王》角色「娜美」，酥胸半露，唔通Lilian……

後來答案揭曉！原來遊戲商Play Station今年再度與一眾藝人及網絡紅人合作，Cosplay變裝成不同角色，其中Lilian Kan就扮演《海賊王》角色「娜美」，火辣身材呼之欲出，件泳衣完全遮唔住，難怪大家要有心理準備！

Lilian喺今次廣告中仲有個外號叫「收兵女神」，可惜佢喺宣傳片中只係得一句對白，而且只係影住心口以上的上半身，相信男士們肯定唔太滿意啦！

其實Lilian Kan都唔使多介紹啦！呢位索女設計師身材火辣、前凸後翹，而且派福利照次數非常頻密，或火辣性感、或可愛嫵媚，所以網上有唔少巴打都話，基本上求祈一張相都係咁正！

Lilian Kan身材勁得嚟其實都幾好肉地，著起泳衣效果逼爆！

作為設計師，佢經常都會親身上陣展示不同服飾，女士們見到佢著到靚爆鏡，難怪都心郁郁想幫襯啦！

今年30歲的Lilian Kan推出佢第四本寫真散文集，喺今年書展十分暢銷，果然有樣又有才～