ERROR自肥企画｜搜查官Zoe蘇小小拍住肥仔突襲黑心食品工場
搜查官Zoe蘇小小
Zoe蘇小小係香港女模特兒，亦係一位紋身師。2020年參加過ViuTV《埋嚟睇 埋嚟玩》擔任天氣女郎，今次在肥仔的「自肥企画」短串中飾演「女搜查官」，穿上漆皮緊身衣，在預告片中，短短登場時間已經極速引起網友關注，連參加學界選舉的影片都被起底（詳見文尾）⋯⋯
Zoe蘇小小再次上電視 IG靚相起底：
Zoe今年24歲，擔當模特兒及cosplay工作，出道已有7年，除了有不科學的激凸身材，還有甜美可愛笑容，IG有接近25萬followers！對上一次在ViuTV演出伍詠薇主持的《埋嚟睇 埋嚟玩》只屬過鏡，表現不太突出，今次拍住Error，談論度大幅攀升！
Zoe 19歲時以真名參選「學界女神」
2016年，19歲嘅Zoe參加過「學界男女神」比賽，當時就讀Event Marketing Year 1嘅佢，當時仲好有稚氣：
蘇麗華
英文：Zoe So
出生日期：1996年9月30日
星座：天秤座
重溫Zoe當年初出道專訪：
「世上沒有醜女人，只有懶女人。」天生麗質嘅女神的確有，但係由醜小鴨變天鵝嘅，就更加大有人在。今年19歲，喺ive讀緊event management嘅Zoe(蘇麗華)，話自己讀中學嗰陣，又肥又黑，仲成面痘痘! 如果唔係開始識貪靚，同經過一番努力，而家又點會成為私影界嘅搶手model！
好多人都覺得私影好危險，三唔識七，約出嚟單對單，加上之前都發生過啲唔係幾開心嘅事，所以model本身都應該有番啲戒心。Zoe都好清楚呢點，所以都識得保護自己，例如抗拒影任何色情，或者過份性感嘅相。一來覺得冇必要為錢去賣弄身體，二來亦都唔想令屋企人尷尬難受。
Zoe由細到大都好中意畫畫，讀中學嗰陣，佢試過有兩年起勢咁參加畫畫比賽，攞獎都攞咗十幾個，不過而家就少畫咗，因為讀 event management都真係幾忙，而且亦都好有挑戰性，所以無論讀完high-dip之後，可唔可以繼續升學都好，Zoe都想喺番呢方面發展。
Zoe當正自己爸爸係偶像，連拍拖對象，都話要搵個好似爸爸咁好嘅！佢話雖然要搵個好似爸爸咁高質嘅男朋友係唔容易，但係有公德心，同心地善良呢啲基本品德都一定要有！而且爸爸教落，識男仔唔一定要有錢有車有樓，最緊要人品好，同腳踏實地，當然仲要鍚自己啦！喺呢方面，佢一定會聽爸爸話架！
撰文: Joanne 攝影: Paul Choi 拍攝: 孔子 & Jason
剪接: Candy 美術: Linda Hair:Winnie@KINGS Makeup Makeup: Wasabi@KINGS Makeup
鳴謝:Partyland及I’s Land Cafe (提供場地)
