郭奕芯四吋乳溝派福利 水著烤雞晒廚技
25歲索女郭奕芯，14歲簽約入行做模特兒，19歲已經擔正做電影《同班同學》主角，仲有豁出去全裸戲份，入行十年已經拍過不少電影，不時在個人IG大派福利展示身材，除了一系列甜美健康運動造型，最近深夜派福利，穿著性感內衣向粉絲們說Goodnight，得到不少關注⋯⋯
撰文：東方新地 圖片：郭奕芯IG、ViuTV
郭奕芯試性感內衣新造型
日前郭奕芯在個人IG發布黑色性感內衣照，加上成熟的化粧，增添不少女性嫵媚：
《辣伙頭．開火》第二季去沙灘烤雞
去年郭奕芯參與 ViuTV 節目《 辣伙頭．開火 》第二季，今輯將會跳出錄影廠，以真人show 形式進行。二人除接受一輪接一輪的廚藝考驗外，更被測試如何經營一間餐廳，向高難度挑戰！其中一集更走到沙灘烹調燒烤食品，身為該集隊長嘅 Angus，更煮到嗌晒救命㖭！
郭奕芯、陳欣妍沙灘鬥水
至於曾參與第一輯節目嘅郭奕芯，相對經驗較豐富，對於烹調方面可謂駕輕就熟，最難忘反而係與敵對組玩 mini game爭奪煮食題材，郭奕芯笑言：「 呢集個遊戲要我哋鬥快用划艇划出浮台獲勝，雖然最終我同隊友 Angus、陳欣妍輸咗，但過程緊張好刺激！」Angus 更大讚本身怕水嘅陳欣妍好大犧牲，勇敢豁出去克服恐懼令佢好佩服！
Angus做茶餐廳身兼三職一腳踢
首次參與烹飪節目，Angus 承認當中有唔少蝦碌事情發生，好似茶餐廳一集係佢第一次擔任隊長，所以有唔少壓力。而當日佢嘅崗位係負責將「 叉燒洋葱芝士菠蘿包 」分拆再合成，Angus 解釋：「 意思係我𠝹開個菠蘿包，陳欣妍同郭奕芯就負責整菠蘿包入面嘅餡。最後為咗加快速度，佢哋淨係煮菠蘿包嘅餡，我就將啲餡砌埋合併落菠蘿包，跟住出餐。」不過原本負責廚房嘅 Angus 最後要兼任水吧及樓面，身兼三職一腳踢，只因生意太好，忙到甩轆，Angus 表示：「 其實茶餐廳嗰日一開始已經排晒長龍，忙到爆，走來走去體力勞動好大！」難怪佢愈嚟愈 fit 啦！
