戀講嘢 | 港版桃乃木 Copy Lo 笑談與前度「以命換命」催淚故事 惹網民狠批
《戀講嘢》26歲Copy 難忘初戀男友
節目上193介紹Copy現年26歲，職業為模特兒，目前戀愛中，她透露自己大概在剛升中四，13、14歲的時候，認識了這位現在已分手7年的初戀男友，Copy形容對方青靚白淨、面尖尖，都幾靚仔。Copy笑指當年她正在箍牙，又有包包面，皮膚也很差，其實幾醜樣，但因為對方都正在箍牙，所以大家都讚兩人好合襯。
前度為送禮𠱁Copy狂做PT
Copy憶述：「佢真係好仆心仆命咁為咗我去付出，浪費時間、金錢喺我身上！」
不過Copy指自己初時並未有愛上這位前度，之後因為對方對她非常好，所以才慢慢地將她融化和感動了。她舉例指當年她隨手在社交網Share一些喜歡的東西，他就會立即去買，193即驚訝問對方是否很有錢，Copy就回答他並非有錢，只是會儲錢，甚至在放學後去打工打到半夜，來賺錢給她買禮物。除了送禮外，Copy又講到這位前度對她好的例子非常多，例如：「我好想食啲咩，佢都會即刻買畀我，點鬧都唔走，承受晒我所有臭脾氣。」
18歲初出社會諗結婚
Copy指兩人之間最難忘就係分手的時候，她指當時大家都已出社會工作，有穩定收入，所以開始想要結婚，193即問她當年幾多歲？Copy回答大約是18歲，又指是對方和其家人提議結婚，原因竟是內地要收地，令她的前度變成了有錢人。Copy指當時她也默許了這個決定，因為兩人已拍拖多年，加上對方有了錢，可以讓她做少奶奶，所以她便回答了一句：「咪結囉！」
曾拒為幾十萬生B
但之後這位前度的家人卻提出要Copy儘快為他家生個孫，Copy表示：「唔得啦，因為佢哋畀錢我，然後我自己又硬頸。」193追問金額，Copy透露有20萬：「我本身抱住嘅概念係我鍾意你個仔我自然會生，唔會為咗錢同你生。」Copy指前度母親應該只是隨口講出20萬這個金額，因為這對她來說只是「散紙」，但卻令她感覺很不好，所以她便決定和這位前度分手。
決定為第二任男友生B
和前度分手後，Copy很快展開了新戀情，她透露就是她BB的爸爸，令3位主持都大感驚訝，Copy直言因為她真係好愛BB的爸爸，所以才決定生下現在的囡囡，但對方由她懷孕的一刻開始，已經不想要這個BB，覺得她是為了分他身家。Copy指這位第二任男友大她17年，認識她時已38歲，是一個公司老闆，因為怕她分他身家，所以從來無和她簽紙結婚，但她指其實冇簽紙都可以分到身家。
曾淪落到大住肚瞓街
Copy指她陀B陀到8、9月時，曾經淪落到要瞓街，無朋友肯收容她，當時也曾想過不要這個BB。Copy憶述：
「曾經瞓過M記，之後仲尋求一啲好耐冇搵過嘅朋友借宿，當時係陀住個BB。」
而初戀前度得知她的情況，竟說：「咁咪幾好囉！」最後他成為了她囡囡的契爺，更承諾會照顧她們母女。她之後就去了前度家中過夜，接受他的照顧。
前度願用十年命為她換健康
Copy講到去年有一次她出了意外，昏迷入院，前度為了她去求神拜佛，甚至話只要她醒番，短命十年都制。然後她在清醒後過了一段很長的時間，終於出院，卻發現這位前度生了腦瘤，浩南和Helen這時都聽到眼濕濕，Helen更話：「如果我係你，嗰吓真係會好Guilty（內疚），真係一命換一命喎！」Copy自認也很迷信，因此立即去為前度點長命香，又求了些平安符，希望他不會被病魔纏繞太久。
前度家人開價千萬望留後
而在前度確診有了很大粒的腦瘤後，他的家人竟第一時間找上Copy，要她幫他生個小朋友，因為他是他家的獨子，一定要傳宗接代，因為要趕時間，今次他家人給Copy的金額，包括現金500萬，再加一隻200萬的錶及一幢村屋，總數達到1千多萬，而且話生完不用Copy照顧。不過Copy認為自己已經做了一次單親媽媽，知道生小朋友的責任與金錢無關，所以最後拒絕了這個Offer，她笑指前度今次也叫她不用理會其媽咪。
前度拒與Copy復合
Copy指前度最大的心願，就是她和女兒開開心心，繼續一齊幸福就夠。她表示曾想和他復合，陪他走完最後一段路：
「但佢唔係好想接受，可能覺得我係可憐佢，或者唔係出自真心，佢都有提過唔想將啲壓力擺喺我身上，因為佢知我要獨力湊一個小朋友，已經好吃力，唔想再畀負累我。」
最後Copy決定接受他的好意，只讓他有任何需要，都可以打電話給她，她就算要推了所有工作，都會去陪他，載他去看醫生或者去玩都可以。
前度：祝你搵個好啲嘅人照顧你
之後Copy致電這位前度，對他說：「多謝你呀，對唔住，以前可能一直冇好好珍惜你，但你係我呢世人最感謝嘅人。」又問對方有咩想對她說？他就表示：
「以屋企人嚟講，祝你健健康康，日日開開心心咁啦，好老土呀呵？以EX嚟講，祝你搵個好啲嘅人照顧你囉，我就照顧唔到你㗎啦，係咪先？係囉，好老土呀！」
Copy承諾會為前度披麻戴孝
前度的說話聽到浩南忍不住流淚，193聽完亦話有點「毛管戙」，指男方裝作不在意，其實十分在意，內心聽得出係好溫暖、好熱血，最後的祝福令人好感動、好心痛。Copy補充指她每一換男朋友，他都會好擔心問：「對你好唔好㗎？」她也承諾過，如果他過身，她會為他披麻戴孝。
Copy放下與前度婚紗相
Copy最後放下了和前度影的婚紗相，指這是她唯一和另一半影過的婚紗相，依家睇番覺得好醜樣，她又指前度以前曾將她的婚紗相放在床頭。有網民被Copy和前度的戀情感動，表示：「睇到喊咗出嚟」、「Ex嘅電話對話真係好洋蔥」、「真真正正係愛對方」、「係一個好高質嘅分享」、「係戀講嘢最好睇嘅一集」等等。
網民：點解仲可以笑到
不過在連登就有大量網民不滿Copy：「點解仲可以笑到」、「笑住咁講會幫佢披麻戴孝」、「披麻戴孝講到恭喜發財咁」、「完全零洋蔥」、「寧願係劇本，好X心寒」、「浩南喊應該係心痛個男仔」、「就咁睇畫面，以為發生咗啲咩好開心嘅事」等等，亦有網民狠批Copy：「無男人要就要瞓街，根本就等人包，仲要整容到咁，似係上嚟做宣傳！」
Copy車模大賽奪冠
Copy真名盧可瑤，自18歲被星探發掘加入模特兒公司，現時是車模也是時裝模特兒，近日她更贏得車模大賽冠軍。因為貌似日本AV女優桃乃木香奈，Copy曾被冠以「港版桃乃木」之名，因而受到網民關注。
曾與霍哥合作拍片
約半年前，Copy曾與霍哥合作拍片介紹美裝貨車，霍哥之後開始關注其IG，不時對其性感靚相畀Like，今次Copy做《戀講嘢》嘉賓，霍哥亦有出post笑指：「食食吓飯又見到你。」
Copy：點樣放低先係重要
面對網民的批評，Copy事後都有在社交網發長文，分享自己的感受：
「呢個節目，係我最近拍攝過最傷感嘅。其實呢段感情係我所有熟絡嘅朋友裏面都唔陌生，佢對我好嘅程度係基本上所有朋友都知道，然後我嘅努力都係大家有目共睹，雖然呢個世界錢係好重要，但係有時候都唔可以為錢出賣自己，其實有更加多嘅方法可以向前行過得更好，只要大家彼此嘅心態係正面嘅，依然可以過得好住得好食得好。所有嘅感情喺過去都會有遺憾，但係喺冇辦法改變現實情況之下，點樣放低先係重要，雖然個節目都cut咗好多嘢走，不過唔緊要總有機會再分享嘅。」
Copy X《戀講野》：
重溫Copy與初戀即時通話！
