何超蓮滑水激罕派福利 拉開拉鏈晒誘人身材
撰文：東方新地｜圖片：新傳媒、Instagram
何超蓮愛上滑水
賭王千金何超蓮有靚樣有身材有家底，唔少男士都當正佢係女神，話說超蓮近日愛上滑水，不時都會喺社交網站上載靚相同短片同大家開心Share。雖然超蓮次次都身穿密實防曬衣，不過有白滑美腿睇都好過冇啦！
拉開拉鏈晒誘人身材
不過男士們最期待的畫面出現了！今日超蓮喺IG Story分享同兩位女性朋友滑水的片段，雖然都係身穿防曬衣，不過「阻頭阻勢」的拉鏈竟然被拉下，超蓮的誘人身段呼之欲出，高炒角度拍攝真係睇到對眼發晒光！
事業線逐格睇！
呢個角度冇得輸呀！
再出賣一下兩位靚女朋友～
同場加映：
何超蓮久違三點式再現
何超蓮貴為何家最索千金，有錢有靚樣有身材，一舉一動都備受關注，尤其是網民都勁期待佢會喺網上派福利照！早前超蓮喺IG為護膚品牌LaMer宣傳新產品，以及宣揚保護海洋的訊息，久違的三點式再現人前，相中見到超蓮側身輕撥秀髮，雪白玉背表露無遺，睇唔到正面都一樣超索！難怪留言的明星及網民們都大讚佢係女神，仲話流晒鼻血～
何超蓮開麵店 做人肉廣告牌
何家最靚千金不時返自己投資開設嘅牛肉麵店巡視業務，呢日見佢喺銅鑼灣鬧市左穿右插，再上保母車去第二站嘅上環信德中心，由專人接落車、行VIP通道、上到直升機，都係一個電話加銀包，全身嘅重點裝束係上身嘅自家麵店員工Tee，睇得出超蓮幾咁事業心重，為自己創業嘅麵店全天候為麵店宣傳，自己做埋人肉廣告牌點都好過花多多錢廣告費，超蓮印證畀大家知何謂有樣有身材兼而有智慧！
無論考會計師牌、入主家族生意、澳洲開酒店定讀碩士進修，何家千金超蓮樣樣都專心又瞓身，最新個人企劃開牛肉麵店，又係日日落鋪頭幫手、去到邊都著住件鋪頭tee做人肉廣告牌。真正富貴係超蓮呢種，出轉門淨係帶手機同銀包，使乜用H字頭包包去證明身價！
27歲超蓮青春無敵，麵店Tee加條牛仔熱褲，一對又白又長大腿勁吸睛！超蓮坐保母車都揀坐喺司機位旁，毫無架子！
千金專車駛到上環信德中心，貴為賭王女，自然有專人守候接待行VIP通道去搭直升機。
早前超蓮出席活動時，也是穿上自家麵店嘅黑色員工tee，佢解釋剛從麵店打點一下趕來活動，之後又要再返店，為自家麵店瞓晒身！
一件頭 一樣索
事業心重的超蓮，都冇忘記班好姊妹，五月時超蓮27歲生日，在淺水灣包了一家露天酒吧開泳衣party，相中見到超蓮同幾位姊妹都著上同款泳衣，雖然就係一件頭，不過都輕露事業線，盡騷線條，索呀！水著派對靚相中，仲見到一大班靚女迫喺大木桶中，非常熱鬧！
同陽光玩遊戲
超蓮樣靚身材正，雖然貴為名門之後，不過佢就毫不吝嗇美好身材，之前去同陽光玩遊戲，都有靚靚泳衣照睇～
去年五月出「股」惑
去年超蓮同幾位姊妹到泰國布吉旅行，激罕地上載身穿黑色三點式泳衣的靚相，世界級美股極吸睛！不久後超蓮的同行好友上載眾人享受陽光與海灘的索爆泳裝照，自拍照中可見超蓮甜笑望住鏡頭，黑色比堅尼將其豐滿上圍表露無遺，酥胸半露，皮膚白滑，真係噴晒鼻血！
驚艷全場
超蓮每次展示性感一面，勢必成為全場、甚至全個網絡的焦點，當年佢呢套大Deep V晚裝堪稱經典！
