《飛常日誌》｜郭柏妍短打OL Look搶鏡，逆天黑絲空姐造型勁殺食，朱敏瀚機師型格爆棚

「我哋要令每個嚟到機場嘅旅客，面帶笑容咁離開」，以航空實感專業劇作為宣傳招徠的《飛常日誌》，故事圍繞機場禁區內外每日接連發生的二、三事，以戲劇手法帶出機場不同部門員工如何透過緊密合作，令所有旅客賓至如歸。故事圍繞中央控制中心值班經理楊尚偉（馬國明飾）及見習行政人員方可兒（郭柏妍飾）發生，由於中央控制中心負責監察整個機場運作，需要和機管局其他不同部門合作及協調，二人經常接觸的機管局員工分別有機場客運服務經理呂芷珊（高海寧飾）、機場保安經理（行動）陳杰（洪永城飾）、機場飛行區運作經理李勝祥（徐榮飾）。蔡思貝飾演的張若玲，則為航空公司駐機場主管，同時亦是楊尚偉前妻，在公在私均與楊尚偉有緊密接觸；而飾演空中服務員的劉穎鏇 Tiffany 及戴祖儀，亦同樣會圍著楊尚偉發生故事…

蔡思貝可愛馬尾 Look 有逆齡效果

今日劇組發布官方造型照，思貝、Tiffany 及祖儀的黑絲空姐 Look 相繼曝光，同樣擁有修長美腿的三人各有各美態，當中以高人一等的 Tiffany 最為搶焦，逆天長腿配以甜美腰果眼再加無敵笑容，令人眼前一亮。Tiffany 受訪時坦言是次是首度在劇集飾演空姐角色，並笑言曾一度被誤當真空姐：「我劇入面大部份戲份都係著空姐制服，成件事好有趣。我之前唯一一次著過空姐服，就係拍《學是學非》，但都未曾試過咁 Official 梳好晒頭去做呢個造型。最開心好多公司同事都讚我好似空姐，同埋喺機場度都有人當咗我真係空姐咁。」 祖儀與思貝的紅系空姐 Look 亦絕不輸蝕，前者以甜美取勝，後者在劇中由於已經升了職，故主要以OL 形象示人，當中的大蝴蝶馬尾造型更甚有逆齡效果。同為靚女一族的郭柏妍Rosita 雖然劇中沒有指定制服，但卻長期以短打（短裙及短褲）出入，青春無敵極度符合新鮮人身份。

補眠期間慘遭「偷襲」 朱仔笑戴祖儀聲線刺耳？

男藝人代表方面，雖然馬明形象夠專業、徐榮夠多變，可惜依然未能匹敵朱仔朱

敏瀚的「黑超機師」Look，每次出場十居其九都「戴住副超」的朱仔，舉手投足均相當有型，在劇中飾演情聖自然說服力爆燈。朱仔受訪時透露飾演機師是其加入無綫後的其中一個夢想：「因為細個有睇《衝上雲霄》，我好開心可以喺呢間公司正式著一次機師衫拍劇，相信機師係每一個入 TVB 嘅演員其中一個夢想嘅角色，今次終於圓到夢。」談到造型，朱仔笑指有向曾做過機長的好友麥大力偷師，單是眼鏡及行李箱已充滿學問：「我會問佢時下飛機師通常會著咩衫同拎咩喼，所以我自己另外配咗副眼鏡同埋個喼都跟番麥大力嘅指引，希望呈現出嚟寫實啲。」除了外觀，麥大力又教朱仔最緊要鎮定：「因為飛機師係負責保護乘客嘅安全，所以一定要係最淡定嗰個，所以我劇入面無論遇到咩危急情況，我都係選擇用最 Calm 嘅狀態去應對。」朱仔在劇中與空姐戴祖儀有不少對手戲，談到首度合作的祖儀，朱仔笑指對方聲線「好刺耳」：「佢好開心嘅，聲線好響亮、有啲刺耳咁啦，但就令到現場成個工作氣氛都好好，佢亦好貼近到角色嗰種巴渣，我哋劇入面都幾大對比架。」根據官方宣傳照，朱仔與祖儀確是相當老友，祖儀更趁朱仔補眠期間「偷襲」對方玩自拍，難怪朱仔笑言遭空姐祖儀「調戲」，十分爆笑。