靈戲逼人｜劉穎鏇夜蒲索女放電學習與李日朗陰濕渣男驚人演技
由王偉仁（Simon）監製、譚翠珊編審的《靈戲逼人》，逢周一至五晚 8 點半翡翠台播映，主要演員包括張振朗、龔嘉欣、劉穎鏇、阮浩棕、吳子冲、蔚雨芯、李成昌、江欣燕、謝雪心、阮嘉敏及魯振順等。
昨晚（12 日）一集最精彩戲碼，是葉敏敏（劉穎鏇飾）及阿東（阮浩棕飾）等人為了幫 Ivan（張振朗飾）向 Eric（李日朗飾）報仇，派出敏敏色誘 Eric，借故埋身後再以「假錄音電話」作餌等 Eric 放下戒心，之後再由敏敏以激將法刺激 Eric自爆「渣男真相」…最終幾經轉折，Eric 的惡行被眾人在網上公諸於世，Eric 終於惡人有惡報身敗名裂，整個劇情大快人心。
大讚李日朗是好拍檔：好肯同我溝通
平時多飾演乖乖女的 Tiffany，是次挑戰「戲中戲」飾演電力十足的夜蒲索女，身穿貼身上衣加短裙的 Tiffany，無論肢體動作或眉頭眼額均盡顯嫵媚，加上連串「港女式」撒嬌表情，新鮮感爆燈。Tiffany 坦言為了該場戲做足功課，並為角色定位傷盡腦筋：「我有睇唔同嘅電影去攞靈感，學吓各種唔同嘅所謂放電方法，睇吓點樣做最舒服、最符合劇情；主要唔想太誇張，因為始終我個角色比較簡單，唔係壞女孩，而係戲中戲。」談到與李日朗（Don）在相關場口有不少親密互動，包括挨到貼一貼講對白及摸大髀等，Tiffany 透露拍攝時零尷尬，皆因「大腦很忙」，亦因為 Don 是很好的拍檔：「Don 好 Nice，好肯同我溝通，佢所有嘢都會問過我 o 唔 ok 先做，大家建立咗信任就令我好放心；加上嗰晚我成個腦都喺度諗點樣做先至有說服力，所以都冇特別話尷唔尷尬。我成日覺得如果雙方都唔尷尬，成件事會拍得更加好。」
拍親密戲前先君子後小人
至於獲 Tiffany 讚不絕口、在劇中飾演「世一渣男」的 Don，現時除了娛樂圈工作外，還有專注打理美容店舖，幫客人調整臉骨。Don 笑言自《靈戲》播出後，有客人「投訴」被嚇親：「佢哋話聽住我把聲講啲咁衰嘅嘢唔係好慣，話真係有嚇親，我聽完都開心嘅，證明演得真實嘛。我以往拍嘅角色都係正經嘅，今次有個陰濕嘅角色係好好嘅嘗試，希望亦都畀到新鮮感觀眾。」談到親熱戲，阿 Don 指摸 Tiffany 大髀比與蔚雨芯拍床戲更有壓力，他說：「因為要喺佢裙入面攞番個電
話出嚟，因為個電話喺裙入面我睇唔到，都係要靠估先攞得番出嚟。」他又透露每次拍親熱戲前，都一定先「君子後小人」：「我會先好有禮咁講聲唔好意思先，跟住就拍架喇。」
