開卷｜PatrickSir含淚揭祕辦公室生存法則與防止老公出軌的祕訣

今晚（14 日）播出第 60 集的《開卷》，Patrick Sir 介紹一本名為《權力世界的叢林法則》的書，內容主要教大家如何以非一般手法在辦公室及商業世界生存，風格頗為暗黑，包括「不要太信任朋友，要學懂利用敵人」、「利用缺席來提升地位和名氣」及「讓別人幫你做事，但聲譽就自己領取」等。

談到相關法則，Patrick Sir 不但語重心長指：「朋友係好容易妒忌你」，語畢即憶述當年如何遭最好朋友出賣，說時更疑似眼泛淚光，Patrick Sir 說：「 我以前有個教育中心，我有個非常好嘅朋友，佢真係翹起我。我記得係我邀請佢加入，佢當時冇嘢做，但我邀請完佢之後，佢走去撬我啲學生，帶埋啲人走，係我最 Friend 嘅朋友。」Patrick Sir 續指當看到「妒忌論」時，當下更有猶如刀割的心痛感：「後尾我知佢係妒忌，因為佢覺得好多人鍾意 Patrick Sir，明明我喺背後做咗好多功夫，令到補習學校有多啲生意。」並透露當時因有小人介入加鹽加醋，令朋友更覺不甘心。人生經驗豐富的 Patrick Sir，又分享了如何提防「精人出口，笨人出手」困境：「公司有啲人對個制度有啲不滿，佢就會向我講，然後想借我把口去講。」 說畢更分享了自身的抵死獨門提防大法！當四位主持討論「學會讓人依靠你」法則時，先是 Honey 大表認同謂：「我同啱啱入行嘅朋友傾偈，例如你想有啲福利，但係你要去到一個位，啲人唔可以冇咗你，咁人哋先會就你」。Patrick Sir 更將相關理論申延至兩性相處 ：「我都成日同好多女人講，你做老婆想個老公唔出軌，你要令到佢冇咗你唔得。」