羅密歐與祝英臺｜陳豪周嘉洛冷天潛水拍攝驚險戲碼網民讚好夾

昨晚（20 日）羅密歐（周嘉洛飾）難忍相思之苦，懇求萬事通（陳豪飾）帶他偷渡前往天南市見茱麗葉（游嘉欣飾）；穿上貼身潛水衣的二人，經歷划艇、反艇及爬渠三大關卡後終抵達祝家。羅密歐與茱麗葉見面後被帶往「秘密樂園」—教堂中被廢置的馬戲團，貪玩的茱麗葉化身胡桃夾子、並利用魔鏡中倒影與羅密歐大玩「倒影 hide and seek」。之後穿上盔甲的茱麗葉與扮演天使的羅密歐上演唐吉訶德皮影戲，並在浪漫又唯美的氛圍下深情擁吻。

游游拍咀戲最難係忍笑？嘉洛拍咀戲慘被攻擊？

相關場口由美術總監馬光榮精心設計，旋轉木馬、魔鏡及皮影戲等陳設均是為了凸顯童話感。馬光榮透露安排茱麗葉穿盔甲別具意義：「想帶出其實係茱麗葉救咗羅密歐呢個訊息。」愛得癡纏又轟烈的羅茱在劇中有大量 Kiss 場口，游游與嘉洛坦言是二人拍劇以來錫得最多一次，嘉洛更笑言錫到無感：「我哋拍 kiss 戲去到後期已經錫到冇感覺。」游游則指最難是忍笑：「我哋未正式拍劇前已經要錫，我記得係拍宣傳片，總之每次見到嘉洛我都想笑，拍宣傳片時笑咗好耐。」嘉洛聞言無奈謂：「真係好唔尊重。」又補充指因錫游游錫得太多，成為幕後工作人員「攻擊」對象。

讚陳豪 120 分好前輩

除了「周游 CP」、「豪洛配」亦很搶，昨晚二人無論同床戲、或是爆笑偷渡場口均相當合拍，獲網民大讚好睇：「佢水哋幾夾」。談到偷渡場口，原來「豪洛」不但要在冷天落海拍攝，更要合作撐艇，嘉洛笑言頗有難度：「因為好講求同步嘅節奏，雖然當日有啲凍，但難得落海，都有喺休息時間去游吓水。」談到與陳豪默契十足，嘉洛笑言在對方身上獲益良多：「係任何方面都有嘢學！佢係 120 分好前輩！」劇中飾演熱血醫生兼愛情狂的嘉洛，更獲讚「洗底」成功：「冇咗廢青安嘅味道，似純情小白兔。」

另一亮點是祝英台（陳茵媺飾）一人大戰八大流氓，Aimee 雙手同時舉槍之餘、

更 360 度大右環迴掃射敵方，相當大型。Aimee 透露拍攝時頗有壓力：「因為一來要夾鏡頭，二來啲爆炸場口又唔可以重拍，大概拍咗兩次左右就完成，我哋之前

都係咁練。」昨晚劇情講到祝羅兩家為了五年一度的世紀決鬥尋找出戰槍手，可

惜兩邊的心水人選最終因不同原因未能代表出戰，為了解決危機，羅太 Dora（江

美儀飾）親自出手、以 1,000 萬厚酬利誘萬事通代為出賽，而萬事通的真正身份「神槍手梁山伯」亦因而曝光。