福祿壽訓練學院｜陶大衛極速變裝震撼全場，江美儀笑到失控
由阮兆祥、李思捷、王祖藍主持的扮嘢真人 Show《象牙世家古象牙工藝品呈獻：福祿壽訓練學院》，明晚（9 日）八點半翡翠台播出第九集。本集 Professor Fuk（阮兆祥）、Professor Luk（王祖藍）及 Professor Sau（李
思捷）三隊的學員將進行「命運對決」、以抽簽形式進行一對一扮嘢對決，勝方直接進級，敗方直入危險區。本輪對戰形式特別之處是，學員本輪表演必須是海選後從未於舞台上表演過的，是次賽果由現場觀眾投票及專業評審江美儀及火火評分決定。
本集表演環節則是相隔 14 年載譽歸來的《Sat In The City》，為了召喚觀眾更多集體回憶，製作組重新搭建 14 年前第一集的「餐廳廁所」場景。雖然相隔 14年，Handelababy（祖藍飾）、Hungry（思捷）及大 Ex（祥師兄飾）全線少女變
Auntie，但三人的搞笑功力及女人味未有半點減退，當中尤以自稱已升呢
Handelauntie 的祖藍 keep 得最好，不但全程眉頭眼額演活「中年少女心」，白滑
香肩及刻意展露的事業線亦是相當搶眼。三位「中女」就《東張西望》報道的城中「女中醫取精」熱話進行 gossip，由於「講啲唔講啲」引發連番爆笑誤會，期間 Handelababy 更悲痛大叫：「好耐冇嚟！」，又大拋經典對白：「我真係接受
唔到咯」，令全場觀眾睇得相當開心。
三子暢談「扮女人心經」 阮兆祥：認真去扮女人，係對女性嘅尊重
談到相隔 14 年再以經典女人造型亮相節目，福祿壽三子有感而發，當中扮女人扮到出神入化的祖藍笑言「一生不可自決」：「其實扮女人唔係話鍾唔鍾意，有一半都係被逼，扮啲比較福相嘅梗係交畀祥師兄啦，扮男人梗係交畀捷爺啦，佢都唔肯扮女人嘅！淨番又苗條又細粒邊個扮呀？就梗係我啦。」更不忘自嘲：「我已經唔係 baby，係 Handleauntie 喇，冇咗當年條腰喇已經。」思捷則直認唔
鍾意扮女人：「我扮女人照鏡我就好憎我自己嘅衰樣，所以就 Create 咗 Hungry
呢個講嘢好忟憎、好爆嘅 Character 出嚟。但唔鍾意扮還唔鍾意，出到嚟個 result
係開心嘅，觀眾喜歡咪做咯。」祥師兄更感嘆「女人唔易扮」：「男人扮女人都唔容易係靚嘅一件事情，你認真去扮女人，係對女性嘅尊重。」
本集出賽的對戰學員，分別有 Team Fuk 的周百恩 VS Team Luk 的鄭詠謙；以及Team Fuk 的陶大衛 vs Team Sau 的林妍，四人扮演的人物分別為鄭伊健、蘇民峰、香港小姐及呂珊，美儀先大讚周百恩的蘇民峰扮相「難分真與假」：「（講
到）蘇民峰唱歌哩，分分鐘第時啲分享網站就剪你頭先條片（個表演）出嚟，就好似你（望向祥師兄）嘅何生何太咁，難分真與假我直情覺得！」之後於欣賞有「廣州鄭中基」之稱的陶大衛的演出時，美儀姐不但全程笑到前仆後仰，並大讚陶大衛潛力無限：「我喺電視機前成日諗，到底你唔扮鄭中基，仲可以做啲乜？今日你答咗我喇已經，好好呀。」不過身為前港姐的「扮工助理」陳懿德則一再強調謂：「香港小姐唔係咁架」，十分爆笑。
陶大衛表演被笑指「最頻蹸」 祖藍認真教學花絮曝光
其實陶大衛的「一人香港小姐」表演確是相當精彩，除了一人分飾司儀及參選佳麗，還會先後以晚裝、旗袍及泳裝等不同造型亮相，還有神乎其技的驚人才藝表演，當中變裝時間更只有 10 秒，難怪祥師兄笑言是「最頻蹸表演」。另為讓學員表演更盡善盡美，三位導師施展渾身解數進行教導，當中祖藍指導鄭詠謙的說話，更是相當專業：「你個字唔係畀個 breathy 我，就畀個漸大我、唔係畀個漸大我，就畀個 ug 音我，是旦一樣，三個字裏面任何呢三樣嘢係冇嘅，咁就唔啱架喇。」
想知道更多相關精彩資訊，敬請留意 www.tvb.com
