神耆小子｜鄭則士爆笑對戲轉數快 阿蕭重拍父子戲碼掀話題

《神耆小子》昨晚（7 日）播出第二集，錢大海（鄭則士 Kent 哥飾）被綁架後因交通意外僥倖脫險，並以 100 萬利誘碰巧路過現場的趙一鳴（冼靖峰 Archie 飾）協助調查其家人是否如兩名綁匪所言是策劃事件的真兇。經過一輪「講價」，二人以 158 萬達成協議，一鳴帶大海回家製造大海失蹤假象方便查出真相。豈料，一鳴爸爸趙子勇（蕭正楠 Edwin 飾）原來與大海有積怨，子勇懷疑大海是當年指示人打斷他雙腳的幕後黑手，雙方一見面即爆發激烈衝突…另邊廂，大海情人洪玫瑰（樊亦敏飾）及兒子繼來（曹永廉飾）在綁架事件中均相當有可疑…

阿蕭冼靖峰獲讚有「父子相」

昨晚一集內容雖以查案為主，但爆笑位相當多，無論是 Archie 與 Kent 哥的棟篤笑式一唱一和，或是 Edwin、Archie 與 Kent 哥的舌戰式對壘均火花十足。Archie

在演戲方面雖然還是新丁，但喜劇節奏意外地好，其中夾在 Kent 哥與 Edwin 之間進行談判的場口，Archie 不時以主持式口脗說出「咁你有咩回應？」、「冷靜啲呢位先生」等持平說話；配以 Edwin 變化豐富的搞笑式嬲怒表情，及與 Kent 哥句句有骨的互寸對白：「正所謂仙女下凡塵，點可以搵個普通人，仲要係個流氓」、「咩叫有啲乞人憎，係非常乞人憎」等，大大增加觀看性，難怪網民正評夠搞笑，還大讚 Archie 以新人來說演繹相當自然。網民：「好睇喎，肥猫演技 100 分爆分」、「喺蕭正楠屋企嗰場笑 C」、「Kent 哥喜劇感一流」、「Archie 雖然唔靚仔，但第一次拍劇又咁重戲份表現都幾好」、「初初拍劇仲要咁重戲份算係咁啦」、「我都覺佢做得好好，聽講鄭則士教佢好多嘢。」另 Edwin 與 Archie 在劇中飾演兩父子亦引發熱議，網民更分為支持派及反對派，支持派認為以阿蕭真實年齡，絕對能升任飾演 Archie 父親；反對派則普遍認為 Edwin 保養得宜，與 Archie 雖有「父

子相」，但感覺似兄弟更勝父子。還有網民發揮創意謂：「會唔會其實係養父？」對劇情後續發展充滿期待。

據知劇集對白之所以如此啜核，除了是編劇功力，亦是主角 Kent 哥即場爆肚功

勞。Edwin 受訪時坦言與 Kent 哥對戲雖然很好玩，但腦袋絕不能鬆懈：「熟讀劇本係首要，但係腦筋都要轉得快，因為好多對白 Kent 哥都會用自己嘅方式去演繹，唔一定完全同劇本一樣。加上我同 Kent 哥劇入面係冤家，好多時大家會度啲啜核嘢去鬧對方同糟質對方，成件事感覺好似邊拍戲邊玩，都好開心。」長達兩分鐘對白相隔三日依然滾瓜爛熟

另一場 Archie 與 Kent 哥咬耳仔討論調查進度的場口亦相當抵死，二人不但連環咬了六轉耳仔，更兩度幾乎「面貼面」，配以 Kent 哥及 Archie 一個若無奇事、一個奇尷無比的演繹，相當爆笑。Archie 受訪時透露該場拍攝相當難忘：「因為 Kent哥想做到一 shot 落嘅效果，但我第一日唔係好 get 到應該點演，所以我哋最後都要分 shot 拍。我哋之後都因為拍唔到想要嘅效果好唔開心，好彩後尾因為 under咗有機會畀我哋補拍，我哋真係十分鐘內搞掂咗個一 shot 落，仲要兩次就搞掂咗。雖然隔咗成三日先再拍，但我哋竟然都冇唔記得對白，呢件事真係好有滿足感。」

想知道更多相關精彩資訊，敬請留意 www.tvb.com