玲玲友情報｜倪嘉雯馮皓揚戀情曝光 張繼聰「黃大仙」封號 羊羊頒獎遺憾
堪輿學家麥玲玲帶領倪嘉雯（Carmen）、施焯日（Arthur）主持的清談節目《玲玲友情報》，逢周六晚 8 點 TVB Plus（82 台）播映。明晚（11 日）一集主題為「小鮮肉演員」，嘉賓為馮皓揚（羊羊）。明晚（11 日）節目嘉賓馮皓揚（羊羊），憑電影《媽媽的神奇小子》中飾演少年蘇樺偉，贏得香港電影金像獎「最佳男配角」獎。羊羊於小一時被診斷患有亞氏保加症，不擅於跟人溝通，小二再被診斷有 ADHD 即專注力不足及過度活躍。
羊羊在節目中講到金像獎頒獎禮當晚，司儀宣布自己獲獎一刻，有點不敢置信，他回想當日情景說︰「真係呆咗，望望隔籬剛識嘅朋友仔，問佢『我呀』，嗰一刻係空白一片。」羊羊話因太緊張，所以上台時忘記多謝蘇樺偉跟蘇媽，好在事後訪問中補回。羊羊又表示拍攝期間，多得前輩張繼聰指導，因此尊稱對方為「黃大仙」，他笑說︰「我當佢黃大仙咁拜，佢畀好多意見我關於做戲，簡單兩個字『投入』，佢話太多反而吸收唔到，我仲成日問佢，呢啲戲點做嗰啲點做，佢話你唔使諗咁多，你現階段只要投入就得。」
此外，倪嘉雯（Carmen）表示除當主持外，亦參與劇集演出。她直言不介意任何角色安排，她斬釘截鐵說︰「企街我都做到㗎！」Carmen 又透露早前跟羊羊合作拍劇，劇情牽涉到姊弟戀。她大爆 A0 的羊羊不單怕醜，而且不懂跟女孩子拖手，她邊示範邊說︰「拖手唔識拖，明明要十指緊扣，佢淨係捉住算。」而被當作道具的羊羊顯得頗無奈。Carmen 更公然於節目中放閃，親暱貼近羊羊後，笑笑口問玲玲師傅及 Arthur 說︰「我哋登唔登對先，有冇夫妻相？」
Carmen 接受訪問時直言並不抗拒「姊弟戀」，她認為最緊要夾到︰「夾到同互相理解至係重要嘅。之前蘇（民峰）師傅算過，話我適合搵大 9 年以上或者細過自己嘅男仕做另一半，即係大哥哥或者細路，最緊要溝通到。」Carmen 透露目前 status 為 A1，之前的對象年紀稍長過自己。Carmen 不諱言跟羊羊雖然演戲，依然有種很甜蜜的感覺，她認真的說︰「劇情上佢好識氹我呢個姐姐，真係 feel 到好 sweet、好窩心，覺得個『弟弟』好可愛又貼心，姊弟戀就有呢
種魅力。」她笑言年齡只係一個數字，所以不介意男方年紀較自己小。想知道更多相關精彩資訊，敬請留意 www.tvb.com
