狀王之王劇情｜玲瓏變靚熱吻宋世傑 姚子羚盡顯女性美態揭祕臨場變裝之謎
廣告
《狀王之王》第4集劇情除了會揭開「蜘蛛精殺人案」終極謎底，宋世傑（王浩信飾）與玲瓏（姚子羚飾）關係亦會有突破性發展！在昨晚（1 月 31 日）釋出的官方預告，姚子羚以超女性化打扮加一個華麗轉身現身宋世傑面前，配以嫣然一笑夠晒粉紅。據知玲瓏與宋世傑今晚緊接這場極唯美的「華麗邂逅」後將會極速成親，宋世傑更會喊唔停，至於逼婚成功的玲瓏則會豪邁喪笑，相映成趣。
宋世傑與玲瓏「華麗邂逅」子羚寒冬薄衣上陣
劇組今日發布宋世傑與玲瓏「華麗邂逅」官方劇照，子羚全程以淡妝上陣。原來拍攝場口當日正值嚴寒，不過為了不影響美感，姚子羚全程「零暖貼」上陣，幸有劇組貼身照顧，令拍攝順利完成，子羚謂：
「拍嗰日真係好凍，但因為要落水都黐唔到暖包，除咗埋位前著大褸包住保暖，劇組佢哋好好，有 book 到暖爐畀我之餘，佢哋放嘅係暖水，所以浸住喺暖水度拍都還可以，唔算好凍。」
久違了的大露背 肚兜加短褲仔
子羚笑言是次拍攝算是「久違了的大露背」，並透露原來是「長褲」變「短褲」：「場戲我要著住肚兜加短褲仔，原本條褲再長啲，但因為拍咗出嚟覺得冇乜美感，所以即場轉做短褲，等成個身形望出嚟好睇啲。至於大露背嘅戲我其實都好耐冇咁拍過，不過最緊要拍出嚟靚，因為都係講宋世傑模糊間見到個靚女，但佢又唔認得係冇鬚嘅玲瓏。」
圖片來源：圖片來源：TVB
