《溜走的真味》｜薛家燕被林正峰調戲反笑，楊潮凱笑到噴食物，「黑超家燕」味公主重現
一共六集的飲食節目《大航假期呈獻：溜走的真味》逢周四、五晚 10 點半翡翠台播映，明（28 日）晚及後晚將播映最後兩集（第五及第六集）。《溜走的真味》由林正峰、「粵菜名廚」蕭秀香（三姐）及「潮州菜名廚」許美德（德哥）擔任主持，本周嘉賓是潮州人楊潮凱；而第一、二集嘉賓薛家燕（家燕姐）也會於第六集驚喜「回歸」。
明（28 日）晚一集，邀得嘉賓「潮州仔」潮凱回鄉，跟正峰、三姐及德哥歎盡以潮州地道食材薄殼、白背蜆、膏蟹等炮製的多種菜式，包括「鹹蛋黃薄殼米」、「老菜脯蜆蟹粥」等。潮凱還品嚐了白粥配雜鹹，雜鹹是用作送粥的冷盤，四人勁食 108 小碟雜鹹，配上一大窩白粥，氣勢十足。潮凱談到食後感時坦言難忘：「白粥配咁多道雜鹹都係第一次，其中一款『潮汕含蜆』個鮮味到呢家都記得！」
家燕姐林正峰妙問妙答爆笑彈
後（29 日）晚最後一集，最搶焦自然是「回歸」的家燕姐，她與潮凱聯同正峰、德哥走訪山上的茶園，邊望梯田及湖泊邊享用「三姐的真味」，狂擦「海鮮五穀擂茶」、「單叢茶炒飯」及「茶煙燻乳鴿」等地道潮州佳餚。「醒目仔」正峰乘機向家燕「笠高帽」：「好正呀，家燕姐！」潮凱即「接招」寸正峰繼續搞 Gag：「仲乜調戲家燕姐！」不過最搞笑是，家燕姐對正峰的美言非常受落，並笑言：「唔係唔係！佢講得啱架，家燕姐係好正，不過周圍環境仲正喎，我諗住食完嘢落湖游水。」正峰即追問家燕姐有否帶泳衣，家燕姐竟回應說：「唔使著架！」到底家燕姐何出此言？
全程食得津津有味的家燕姐，又激讚三姐廚藝：「今日我出現真係獲益良多，煙燻乳鴿好食過啲炸乳鴿！」三姐禮尚往來：「家燕姐果然係食神！」氹得家燕姐再次《食神》「味公主」上身拋金句：「好味呀！」配上動作及表情，喜感十足，而坐正家燕姐旁邊食「喜劇效果」食到應的潮凱，則笑到幾乎噴嘢食，畫面相當熱鬧。
