旁觀者｜王敏奕一Take搞掂，韋家雄演病態孌童癖引爭議，尹詩沛投入演出誤傷吳子沖？

昨晚（2 日）劇情主要圍繞「酒吧姦殺墮樓事件」，及主角女警阿魚（王敏奕飾）及 Café 老闆覓希（周柏豪飾）的關係發展。覓希 Café 常客之一的 Nana（尹詩沛飾）離奇墮樓身亡，經調查後發現 Nana 臨死前曾流連夜店兼慘遭強姦，阿魚等遂鎖定阿強（吳子冲飾）為嫌疑犯。正當眾人循著謀殺方向調查，事件卻出現驚人反轉！原來 Nana 並非他殺而是出於極度恐慌才跳樓自殺，而逼 Nana 走上情緒絕路的，竟是其親生父親誠叔（韋家雄飾）。以賣雪糕維生的誠叔表面對小朋友親切有加，但暗地其實心懷不軌…

出名好戲的韋家雄，這次是首度破格飾演「金魚佬」！昨晚他一邊拿著 Nana 遺物，一邊顫抖著聲音道出：「童年係最純潔、最美好嘅時候，係應該好好哋留低啲紀念，慢慢回味架！」說畢更忍不住饑渴地偷笑望著 Nana 遺下的衣服；該幕雖然只有短短數秒，但家雄單憑聲線、抽搐的面部肌肉已將病態孌童癖的難以自制及亢奮狀態演繹得淋漓盡致，難怪獲監製阿細點名力讚做得好。阿細笑言這次是拍膊頭找家雄幫忙演出，並笑謂看中他的原因是覺得家雄能「以不猥褻的外表演出猥褻的味道」，阿細說：「我要搵一個外表唔可以猥褻，但佢可以演到猥褻樣嘅人。我好記得有次我畀指示家雄嘅時候，敏奕喺隔離聽到都大嗌好變態，仲話起晒雞皮。」除了「遺物」一幕，家雄另一幕維時 14 秒的「變態五連笑」亦相當搶焦，就在短短的 14 秒內，家雄先後展現了陰濕笑、笑到𠵱起棚牙、笑到鬥雞眼、笑得既無賴又享受、及笑到戚眉等五個不同變態笑法，而且每個笑容均讓人看畢相當心寒，阿細更透露家雄該幕是一 take 過完成，盡顯功架！

尹詩沛：好開心終於可以做人個女

昨晚尹詩沛的演出亦繼續搶戲，詩沛之前曾透露由於要與敏奕穿同一件衣服，為免令觀眾出戲，於一個月內火速減掉十磅「追趕」敏奕身形，昨晚二人兩款同款造型終於同集曝光，減肥成功的詩沛、在鏡頭及剪接的幫助下、驟眼看與敏奕神

同步，令觀眾看得更加投入。談到昨晚「爸爸」家雄的演出，詩沛笑言「好唔慣」：「我好鍾意同欣賞韋家雄，現實生活中佢永遠帶好多歡樂畀我哋，所以拍呢套劇好唔慣，同佢開親工都好似見鬼咁驚。好開心有佢做爸爸，同埋好開心我終於可以做人個女。」詩沛續指強姦戲拍攝十分難忘，皆因埋位期間已誤傷對手吳子冲，令她頓感內疚：「我因為太認真做、太大力，第一次試位時已經令到子冲篤魚旦，於是之後成場戲我都好擔心再整親佢，我好過意唔去。」