學神爸媽GetSetGo｜袁偉豪搗蛋張寶兒 爆笑育兒祕訣引網民熱議

森美：問小朋友問題要問得啱情緒啱時間同啱氣氛

今晚（6 日）一集，「個案主角」是 6 歲的小妹妹 Kyra。三位嘉賓首個任務是陪Kyra 玩層層疊及坐定定砌好一幅拼圖，並從中找出 Kyra 難湊原因—專注力不足。學神爸媽 Ben、Bowie 率先出動，怕生保的 Kyra 見到兩人後不敢開口說話之餘，更不時出現䟴腳情況。之後輪到擁有 21 年育兒經驗的森美大哥出場，身為老手爸爸的森美以「氹細路四招」—「扮搵人」、「扮唔識」、「搞氣氛玩互動」及「事後檢討」成功氹掂 Kyra，Ben 見狀即化身「魔鬼」搞破壞企圖干擾森美，但卻反被森美笑言似賊：「有鬍鬚嗰個哥哥似唔似賊呀！」再輸一仗，相當搞笑。最終完美完成首個任務的森美，大方分享湊細路心得：「小朋友好得意，你以為問佢佢就會答？其實唔係，要問得啱、啱情緒、啱時間、啱氣氛，要好似追女仔咁樣！」

第二個任務是要專注力不足的 Kyra 寫好 10 張毛筆字以及不能出界，難度連 Kyra媽咪也大嘆是地獄級。率先出動的森美，即使出動「美食誘惑」，也只氹到不斷嗌攰的 Kyra 寫好 2 張毛筆字；之後輪到 Ben、Bowie 上陣，好不容易等到 Kyra只差一張毛筆字便完成任務，「地獄破壞王」Ben 卻在此時又搞亂檔說：「好嘢，可以去食嘢！」Bowie 聞言扮「嬲豬」謂：「佢仲有一張喎，淨係顧住食嘢！」此時 Ben 再度錯誤示範：「我幫佢完成埋佢。」就連臨床心理學博士 Ming，亦指阿Ben 做法不恰當：「（Ben）做緊啲唔好榜樣（意指家長不應代小朋友完成功課／任務）！」三位嘉賓的終極任務，是要陪 Kyra 吃東西時防止她做出「擘大腳」、「䟴腳」及「用手或衫抹嘴」三個壞習慣，到底他們最終能否完成任務？密切留意今晚一集《學神爸媽 Get Set Go！》。

想知道更多相關精彩資訊，敬請留意 www.tvb.com 。