《學神爸媽 Get Set Go》｜袁偉豪湊子經驗爆笑透露 張寶兒自稱Perfect Mummy引爭議

作為「學神爸媽」代表的袁偉豪（Ben）與太太張寶兒，去年 11 月誕下兒子「袁咕碌」袁晞祐，錄影節目期間湊仔經驗只有五個多月的二人，搞笑地開口表明想要外援：「我哋每一日都喺度諗袁咕碌嗌兩聲係代表啲咩呢？需要每日去學點解讀佢嘅需要，所以我哋要請人幫一幫我哋。」Ben 還自稱「大細路」，兼曲線向老婆寶兒笠高帽謂：「你湊仔年資唔止五個月呀，計埋我呀，七年。」寶兒聞言即冧爆回應：「係呀，7 年零 5 個月。」搞笑得嚟盡顯恩愛。

為讓這對「學神爸媽」超前體驗未來十年可能會遇到的各種湊仔難題，製作組特意找來 4 位年齡介乎 3 歲至 10 歲的素人小朋友作為「個案主角」，叫得「個案主角」自然各有各「撠手」。首周的兩位小主角便分別有「不願意分享」及「乖得滯」兩大令父母極為頭痛的問題，到底兩位「學神爸媽」以及第一周「老手爸媽」代表吳若希會如何解決？

三大嘉賓湊 B 方法大不同 「冷面袁偉豪」最易出事？

除了個案夠撠手，製作組每集亦會安排兩輪不同難度的任務考驗新舊組別爸媽，而每集都要上陣應戰的 Ben、寶兒及吳若希，則分別以「冷面湊 B 大法」、「以退為進溫柔大絕」及「BB 話同聲同氣攻擊大法」應付撠手個案，當中以阿 Ben「出事率」最高；令人意外的是，湊小朋友年資長達 7 年的吳若希，成功率竟不及「學神媽咪」寶兒，吳若希事後亦不禁大讚寶兒是「Perfect Mummy」：「我覺得寶兒係 100 分」。

為了增加節目資訊性及趣味性，製作組除了每集安排 Rosa/Ming 講解「育兒小知識」外，還增設了「爸爸媽媽，點解嘅？」小環節，由一對可愛孖女負責發問各種類似「十萬個為甚麼」的尖銳問題，「學神爸媽」及「新手爸媽」輪流作答

後，再由孖女揀選較喜愛答案，相當盞鬼。

首集嘉賓吳若希（Jinny），大女 Giselle 和細仔 Kylian 分別 7 歲和 3 歲多，湊仔年資達七年之餘，兩度經歷小朋友成長過程，絕對是經驗豐富的老手媽媽。而第二周嘉賓森美，大仔梁曦樂（Lancelot）和細女梁曦童（Charisse）都分別已經 21歲及 18 歲，更同樣都是高材生，到底經驗如此豐富的森美，遇上「學神爸媽」Ben 與寶兒又會有甚麼化學作用？密切留意節目。想知道更多相關精彩資訊，敬請留意 www.tvb.com。