你好我的大夫｜周珈慜努力戚嘴演出面癱小童形神俱似爆料何廣沛私下是植物學家

每次化妝都要坐定定

昨晚（13 日）有重要個案登場，張穎芯（周珈慜飾）因為在家開窗練牧童笛，致感染風邪並驚現面癱，右眼不能合上、嘴角向下歪，說話或微笑均有困難。為真實呈現「面癱」個案，劇組花了大量時間為小演員珈慜定妝，最終鎖定由專業特技化妝師出手。珈慜透露前後做了多次定妝：「每次化妝都要坐定定兩、三小時，特技化妝師 Ryan 哥哥會先喺我塊面黐膠水，如果我郁嚟郁去，就會令到啲膠水一撻撻。」問到頂著特技妝拍攝會否很辛苦，珈慜說：「拍嗰時正值嚴夏，一走出冷氣地方個妝就會好快融，幾乎每拍完一個鏡頭都要補妝。」

用話梅練習流口水

珈慜無論說話表情或語氣，均像極真的面部肌肉不受控制，問到為何年紀輕輕就能演得如此傳神，珈慜說：「我都有上網睇吓面癱病人會有乜嘢特徵同表情。我記得試鏡時，監製叫我扮面癱，我就自己歪嘴同扮流口水；其實之前我係唔知點樣先流到口水，媽咪就教我放粒話梅入口。」就連吹牧童笛，珈慜也是專誠學習：「我之前從未接觸過牧童笛，我就返學校請教音樂老師，都想藉此機會向老師講聲多謝！」又謂拍攝時有努力「戚嘴」以達到效果：「因為個嘴不能化得太歪，所以拍嗰時都要用力戚住個嘴。」

小朋友針炙場面靠後期加工

珈慜的個案有針炙場口，除了眉頭特寫部分用了替身，其他均是劇組後期畫上去，珈慜並不用捱針。談到走火罐場面難受狀態演得逼真，珈慜笑言全靠想像：「個罐其實冇乜熱力，都係靠我自己想像畀針拮嘅情境，然後演番出好驚嘅樣。」劇中芯芯願意接受治療，全因辜清勁醫師（何廣沛飾）夠溫柔，經常以清澈眼神溫柔地向心心表示「一啲都唔痛」，又主動向芯芯分享小時候的患病故事予以鼓勵，暖男度爆燈，珈慜笑指廣沛私下亦很溫柔：「同廣沛哥哥之前喺《曙光》已經接觸過，我一直都覺得佢好温柔、好好人，最難忘係出外景時，佢會將見到嘅植物介紹我聽，好似植物學家咁，佢仲請過我食雪糕添。」