不正常愛情研究所｜Koba復工變身痴情粉絲 爆料音樂界背後祕辛

「busker 同 fans 互相 follow，一定係有好感，要溝真係好易，band 房經常變炮房。」Kim 亦是 busker 出身，他笑言認識一位一腳踏三船的 busker，有趟街頭表演出事，Kim笑說︰「通常唱完歌，啲女朋友都會行埋去讚男朋友唱得好好聽。」當時三個女仔一如既往，同時向男友方向行去，當各自爆出一句「BB」時，該名 busker 同場加映街頭斷正。

Susuca 對音樂人似乎沒有好感，她直言曾有多位從事音樂工作的追求者，大都很自我且多愁善感，她透露︰「試過有位追求者朝朝彈結他畀我聽當 morning call，又要我去佢嘅音樂會，個人已經好攰，去到仲要同啲妹妹迫。」節目中她爆出一單發生在朋友身上的食 fans 事件，涉及一隊男子組合當中一位成員，她說︰「朋友喺朋友圈講，話同某歌手約會學唱歌。問起原因係對方 DM 讚我朋友 cute。」友人又透露每趟都是上男方家，避開狗仔隊追蹤。Susuca 補充說︰「之後佢每次約會都會分享，有次仲好開心話已經同對方一齊，仲叫咗男朋友公開。」接住的套路都好易估，男方以影響事業為由拖延，最後不了了之。Susuca 表示事後發現有多名女仔，都收過同一人同樣的 DM，證明該歌手是識途老馬。事件吸引各主持好奇追問，Susuca 只提供貼士表示︰「實力派，可能佢真係教人唱歌，佢唱歌咁勁。」想知道更多詳情，密切留意明晚（21 日）節目播出。此外，Kim 為節目寫了一首歌，分享數個月來拍攝感受，被 Jojo 猛讚唱歌時很有魅力，令 Kim 飄飄然。