XiX成員Vici莊殷玥被Eric Kwok踢走 不滿家長過份干預:未受過咁多氣
廣告
由Eric Kwok主理的女團XiX自《聲夢傳奇2》後出道,團隊一推出就受到不少關注。不過早前形象總監葉佩雯就突然在社交平台發文砲轟某藝人零尊重,雖然係唔開名怒轟,不過就被網民猜測疑似直指成員莊殷玥(Vici)。近日更傳出Vici將會退團,就連早前出席活動時都係以4人形式現身,不過當時Eric Kwok就未有回應。直至昨日(4日),Eric Kwok就舉行「XiX解體重組記者會」,更大爆Vici係被踢走而非退團……
Eric Kwok大爆Vici家長過份干預
Eric Kwok在記者會上澄清Vici是被踢走而非退團,更大爆主因係佢嘅家人過份干預:「「XiX係由15歲,當時係14-16歲(組成),所以好需要家長嘅配合」「無奈嘅就係Vici呢一家人呢,我同我太太都用咗好多時間同好多心機去磨合,但係始終都係磨合唔到」「明白家長係好想參與,好緊張自己個細路,但係好多參與就變咗干預,咁呢個干預就令到大家開始就冇呢個尊重,互相開始唔尊重,亦都開始失去咗信任。」
![香港娛樂 Eric Kwok早前於XiX活動上未有透露Vici是否退團,只係表示Vici近期將會有一段日子都唔會參與XiX的活動。不過昨日(4日),Eric Kwok就召開「XiX解體重組記者會」,並澄清成員Vici係被踢走而非自己退團。(圖片來源:youtube@tvb娛樂新聞台)](https://imgs.orientalsunday.hk/wp-content/uploads/2024/08/vs-youtube-xixvici-046_213118710766b067917ffa0-1024x576.jpg)
Eric Kwok踢走Vici一身輕
Eric Kwok除了大爆無法與Vici的家長磨合外,更呻自己與太太葉佩雯都十分痛苦:「我都痛苦咗好耐,軟硬都試過,令我覺得呢個世界有啲人真係無辦法相處,既然咁辛苦不如分開啦,我覺得佢無咗我會開心啲,正如我無咗佢都開心好多。」Eric Kwok亦坦言顯示有雨過天晴嘅感覺:「就好似個天陰天行雷閃電落好多雨,落咗六七八個月,忽然之間今日晴天個感覺,我終於覺得我哋有運行啦!」更透露會開放邀請多1-2位成員加入,以填補目前的缺口。
![香港娛樂 Eric Kwok於記者會上澄清Vici被踢走一事後,更大爆主因係無法與Vici的家人相處,更直斥佢哋干預太多。(圖片來源:youtube@tvb娛樂新聞台)](https://imgs.orientalsunday.hk/wp-content/uploads/2024/08/vs-youtube-xixvici-049-1_5040169166b0678e41d13-1024x576.jpg)
![香港娛樂 Vici早前被傳出退團,日前Eric Kwok就親自澄清係將Vici踢走而非退團。(圖片來源:IG@vici.chong)](https://imgs.orientalsunday.hk/wp-content/uploads/2024/08/image-9248728_196886761166b0811ec99de-819x1024.jpeg)
![香港娛樂 Vici現時社交平台仍然顯示係XiX的成員。(圖片來源:IG@vici.chong)](https://imgs.orientalsunday.hk/wp-content/uploads/2024/08/whatsapp-image-2024-08-05-at-12.34.36_127556416066b0659ad0a5b-1024x1024.jpeg)
Vici長文感謝團隊獲家姐留言安慰
Vici昨日(4日),亦在社交平台上發表了感言,並在文中特別感謝Eric Kwok、葉佩雯以及XiX團隊。又表示生命充滿挑戰,自己亦是時候重新學習,未知是否將專注於學業。而Vici的發文亦獲家姐留言安慰:「妹你見到留言有咁多鍾意你嘅人,唔好為一啲討厭你嘅人而放棄,要為嗰啲鍾意你嘅人同自己而努力!你明我講咩啦」「家姐想講我見到你每一分努力,同埋跨過重重難關,我覺得你成熟咗成長咗。當然唔係每條路都順,不過過完呢關啦,依家係level up!」
![香港娛樂 Vici昨日(4日)在社交平台出po感謝Eric Kwok及葉佩雯的幫助和照顧,並表示生命充滿挑戰,自己亦是時候重新學習,未知是否將專注於學業。(圖片來源:IG@vici.chong)](https://imgs.orientalsunday.hk/wp-content/uploads/2024/08/whatsapp-image-2024-08-05-at-12.34.36-1_169706206366b06596a6dc2-938x1024.jpeg)
![香港娛樂 Vici的家姐亦留言安慰妹妹,更直言「唔好為一啲討厭你嘅人而放棄」。(圖片來源:IG@vici.chong)](https://imgs.orientalsunday.hk/wp-content/uploads/2024/08/whatsapp-image-2024-08-05-at-12.34.37_110455847966b06593db789-1024x622.jpeg)
![香港娛樂 Vici與家姐Vico莊殷琦更曾孖住參加中學大專歌唱比賽!(圖片來源:IG@vici.chong)](https://imgs.orientalsunday.hk/wp-content/uploads/2024/08/image-9171790_107534515966b066bb27740-811x1024.jpeg)
![香港娛樂 Vici以XiX出席活動時的背影照告別團體,更留言感謝所有幫助過自己的人和fans。(圖片來源:IG@vici.chong)](https://imgs.orientalsunday.hk/wp-content/uploads/2024/08/-2024-08-05-3.27.51_108346956366b07f071736c.png)
撰文:東方新地圖片來源:youtube@tvb娛樂新聞台、[email protected]