Uplive直播廣告Model原來係佢！車泳希曾被誤認作細So情婦

Uplive直播廣告勁洗板 Model原來係佢

䁥稱「車車」的車泳希經常畀人斯斯文文嘅印象，不時上雜誌封面，今年一度被誤認作細so情婦（詳見下文），好在結果「白滑KOL」另有其人，並無影響車車的演出機會，最近在Uplive的廣告就做主角，成為人氣「直播主」：

車車曾被誤認為「白滑KOL阿B」澄清唔係細So情婦

前商台DJ細So（蘇耀宗）被爆背妻與白滑KOL阿B出軌，於葵涌租房發生性行為，關係長達兩年，女方署名「白滑KOL 阿B」借友人揞名向傳媒爆料，表示斬纜不成要向「大婆」救助；細So與太太陳穎楠（阿Wing）即晚發帖文回應事件，由於「白滑KOL」身份成迷，一度誤傳阿B係KOL「車泳希」，白滑車車為表清白，公開澄清唔係自己⋯⋯

更新：白滑KOL情婦曝光！真身係35歲兩子之母網店店主Macy

細So偷食白滑KOL阿B 即晚向太太道歉七次拆彈

今年較早前細蘇偷食事件曝光後，有媒體找到「細So」蘇耀宗，問及他有關偷食之事，當時細So聽後即感到錯愕，還表示「自己要了解事件的來龍去脈」，一度否認「背妻偷食」。事隔數小時，細so於個人社交網站上發出帖文，親自承認出軌：

「本人蘇耀宗就今日有關婚外情的報道，向太太、家人、對方及關心我的人誠心說對不起。本人承認感情上確有做錯及處理不當，令各位痛心失望，本人難辭其咎。感謝太太的原諒和愛護，本人向太太承諾，努力維繫家庭，做個好丈夫、好爸爸。本人及太太已就此事達成共識，今日回應此事後，日後不會再發表任何意見，希望大家能給予空間，多謝大家關心。蘇耀宗01/09/2020」

而另一邊廂，細So老婆陳穎楠（阿Wing）也有在其個人社交網站內發出帖文，並且選擇原諒老公：

白滑KOL 道歉 — 「一輩子的婚姻旅程中，總有高山低谷要一起走過。我選擇相信，並肩繼續這段旅程。這是我倆生命中重要的一課，多謝大家給予空間和體諒，讓我倆一起經歷、一起成長。感謝大家的關心，我們會好起來的。陳頴楠」

「白滑KOL」成為網民熱搜 27歲「車泳希」無辜受波及

由於媒體未有透露更多關於白滑KOL這位「第三者」的線索，網友紛紛忖測「阿B」的身份，又因為細So前妻及現任妻子都叫阿Wing，網友就對號入座，將細So的IG入面follow中有「Wing」字行頭的KOL，都列入嫌疑行列：

白滑KOL 阿B — 「白滑KOL」阿B 成為了熱搜，結果大家得到呢個答案⋯⋯真係唔知好嬲定好笑⋯⋯

KOL 阿 B 白滑 — 新聞爆出當晚，網上搜索「KOL 阿B」，大家得到好多鍾鎮濤⋯⋯

由於媒體報導細So與情婦都有配戴「黑色情侶手繩」，網絡神探就憑此去推測⋯⋯無奈「黑色手繩」實在太普遍，在車泳希澄清前，大量網絡神探為求自圓其說，都想以此作為憑據證明自己的觀察力很強。

有網民更表示Winghei_c 在IG上的廣告文案，與報導中「白滑KOL」向細SO太太剖白的文字風格好相近，打算以此咬定自己搵啱「阿B」。

車車澄清「唔係白滑KOL」：我同男朋友關係好好，唔係我啊

「白滑KOL」競猜遊戲擾釀一晚，最終車泳希在IG Story公開澄清自己唔係「白滑KOL」阿B，其實車泳希男友亦曾經係商台中人，真身叫做李萬璣（阿璣），一場誤會，真係令人抹一把汗，咁到底「白滑KOL」阿B係邊個？點解會令到細So咁沉迷，迷到要用女方底褲攝入自己褲頭，就真係要下回分解！

白滑KOL 車泳希 — 車泳希在IG Story公開澄清自己唔係「白滑KOL」阿B，強調與男友李萬璣（阿璣）關係好好，部份網民「炒車」。

情婦6月自爆夫婦取得諒解共識頻頻受訪

據了解兩公婆在情婦6月向大婆自爆後，已經取得共識，為保恩受形象，仍接受不少媒體訪問強調「晚晚返屋企食飯」，Fans表示「睇返都幾X諷刺」⋯⋯

【跳出ComfortZone】40歲離開商台後仲忙過以前？細So變身斜槓族享受Quality Time

【#跳出ComfortZone】正職當然重要啦，但近年Slash文化興起，可以自己安排自己嘅工作同時間，係唔少人嘅夢想。好似蘇耀宗細So咁，年頭離開商台之後就愈嚟愈忙，唔單止多咗唔同嘅工作機會，有更多時間創作同開live分享生活，令佢同太太阿Wing最開心嘅係，而家老公晚晚都可以「好回家」食飯！都市人生活壓力咁大，不如學細So享受下Quality Time！P.S.留意片尾細So揀咗首歌送俾香港人　#細So #QualityTime #Slash #斜槓族 #Worklifebalance #商台 #經濟一週 MaxiMum & Jack So Mama #疫情 #望月

Posted by 經濟一週 EDigest on Thursday, 6 August 2020

網民金句回應細So道歉聲明

黃金時間拆彈，鋪排流暢，言辭懇切，果然….係一個慣犯.

個女主似順勢借細So上位，但佢無諗過香港重有好多人唔知邊個係細So😅

由當時佢聲稱「以防疫為前題」爭取WFH最終被炒魷，到以家再爆出有小三；成串事認真耐人尋味⋯⋯我嘅意思係佢爭取WFH嘅時候究竟係邊個Home啫

算唔算係古人所説窮心未盡色心又起呢！

有錢就話棄妻啫，但之前受訪問先講被裁員後多慘，要養妻活兒，難道佢犧牲自己出賣肉體去養家？辛苦晒細So 了！

細So蘇耀宗有2次婚姻事業低谷太太陳穎楠（阿Wing）依然不離不棄

現年41歲的細So蘇耀宗，曾於2006年時，與當時商台DJ同事阿Wing結婚，惜三年後（即2009年）因性格不合，低調離婚，而阿Wing翌年嫁給商台高層林若寧，隨後，細So蘇耀宗便認識到曾任職飲食記者，後以潮流版記者身份，從而接拍廣告做模特兒的陳穎楠（阿Wing），二人相戀後便於2011年結婚，婚後育有兩子，分別為6歲兒子Jack和3歲兒子Max，一家四口在大嶼山貝澳過活；閒時，細So一家人一齊拍照影相，在旁人眼中是幸福又美滿。