TVB兩大魔音受特訓學唱歌 其中馮盈盈早在2年前已拜師
馮盈盈孖江嘉敏受特訓學唱歌
兩大魔音女神馮盈盈和郭柏妍在TVB新綜藝節目《魔音天團》中接受特訓，並且將由譚嘉儀出任節目導師。除了兩位魔音女神坐鎮，宣傳片亦能夠看到曾經被盛傳同馮盈盈反目成仇的花旦江嘉敏現身。
馮盈盈早在2年前已拜師
其實「魔音」馮盈盈早在兩年前已經向好友譚嘉儀拜師學藝，當時二人已經約定要學唱歌，譚嘉儀當時大讚馮盈盈唔難教，並且對對方有信心。今次「宿敵」江嘉敏突然一齊學唱歌，令網民們都話未睇已經覺得節目一定好有睇頭、夠曬有火花。
重溫兩人由不和到破冰再不和歷程
「富貴船P羅生門」導致兩人反目成仇
馮盈盈和江嘉敏自從認識後一直關係親密，經常約出街情同姐妹。不過自從馮盈盈和江嘉敏在2020被拍到與賭王四房公子何猷亨出船P之後，兩人亦因此反目成仇。當時有各種傳言傳出，馮盈盈當時先下手為強揚言自己事前不認識何猷亨，是江嘉敏帶自己上船P；可是江嘉敏時候卻表示三人曾經有過飯局，甚至於IG發文感謝馮盈盈邀請自己去船P，暗示馮盈盈講大話！
主持節目 尷尬破冰
馮盈盈和江嘉敏去年中因船P事件而反目，但去年無綫卻安排二人前「姊妹花」拍檔主持新節目《解構心機女》，新節目將於3月底開播，日前兩人首次為節目開工，馮盈盈即晒出兩人「破冰」合照，合照中馮盈盈的衣著性感晒線，好明顯充滿「心機」想艷壓對手。其後仲有同一張相各自P圖放上網的「面和心不和」傳聞，當時更掀起一時熱話，網友熱烈討論的細節位，仲包括馮盈盈與江嘉敏放在IG的合照，江嘉敏好明顯栽走自己對腳，而兩位嘅面口經過P圖之後，亦略有不同：
馮盈盈在留言中卻非常大方地表示知道當時是嘉敏第一次做主持，因此請了她喝（破冰，呀唔係）走冰少甜的珍珠奶茶，為她加油打氣，希望兩人可以「一齊做好個show」，仲話期待兩人可以擦出「新火花」，真係向向都夭心夭肺
網民嘲馮盈盈：「焗住扮破冰」
不過網友就唔多賣帳，笑馮盈盈「焗住扮破冰」、「頂硬上」、「笑到硬晒軚」，仲話馮盈盈個笑容係「尷尬而不失禮貌的微笑」！
江嘉敏節目中寸爆馮盈盈
首集《解構心機女》請來張振朗做嘉賓，與一眾主持齊齊探討各種心機女的行為，其中講到刻意遲到都係「機心」行為？馮盈盈指遲到5至10分鐘，可以營造出隆重登場的感覺，是一種「Fashionably Late」，江嘉敏聞言即寸爆馮盈盈說：「怪唔得我哋約佢出街，有咁多藉口遲到啦！」
對於被江嘉敏踢爆例牌遲到，馮盈盈回應指因為工作太忙，她和江嘉敏對上一次約出街見面已經係差不多一年前的事，她說：「咁耐之前嘅事我都已經唔記得詳情，如果我同佢之前見面時真係有遲到，我講番聲對唔住，希望佢唔好再放喺心上！」
台慶亮燈儀式被指兩人零交流
直至2022年無綫舉行了55周年台慶亮燈儀式，大部分藝人都與站在身旁的藝人聊天，場面非常熱鬧。可是江嘉敏與馮盈盈在亮燈儀式中雖然只相隔兩個身位，但在長達兩小時的活動中完全零交流，令網民都好奇兩人是否再次不和！
