#PTGF出租女友│鍾培生投資拍戲飛起林作趙善恆鄧月平做男女主角

Mar 12 2021

在肺炎疫情影響下，電影圈大受影響，去年底蕭定一宣布籌備一部改篇自真人真事網絡小說的本土新片《#PTGF出租女友》，首天試鏡有過百名女子參與，電影公司更講明會優先考慮國泰、港龍及香港航空的前從業人員，招募當日林作亦有現身casting男主角，仲厚顏地話拍三級片露毛都可以，但原來套戲投資者之一是他的死敵鍾培生，近日選角終塵埃落定，男女主角是趙善恆及鄧月平，其他演員還有張建聲、岑珈其、張松枝，以及一班年輕索女星包括沙律張沛樂、程美段、郭奕芯等等。林作被飛冇得做男主角，專心練拳囉！

撰文：東方新地｜圖片：電影公司

《#PTGF出租女友》3‧18開鏡

改篇自真人真事網絡小說的本土話題電影《#PTGF出租女友》，電影公司於去年12月展開招募新演員行動、並優先考慮對演戲有興趣之國泰、港龍及香港航空前從業員，當年林作都有現身試鏡，仲好似志在必得咁，至上月鍾培生加入投資，成為網民熱話，林作做男主角之夢亦徹底幻滅。

前港龍空姐Shanne榜上有名

該片經過電影公司試鏡後，選角終塵埃落定，選自招募行動中的14位新演員將入組分演不同角色，其中包括同樣擁有34D上圍的前港龍空姐Shanne及24歲索模Amber。至於《#PTGF出租女友》的男女主角則為趙善恆(恆仔)及鄧月平，其他演員尚有張建聲（Justin）、岑珈其、張松枝，以及一班年輕靚女星包括曾在第一季《向西聞記》單元主演《PTGF》的張沛樂（沙律）、程美段、郭奕芯（Ashina）、馬俊怡（Rose Ma）及YouTuber娜美等等幾位IG女神。

34D巨乳網紅入圍

今次《#PTGF出租女友》將起用大量新演員，電影由新導演鄭峰嵐執導，監製為周顯及孫立基。蕭定一、Up Media Ltd、吳文俊、梅偉琛為出品人，鍾培生則是投資者之一。製作班底則為港片《棟篤特工》、《作家的謊言》及《西謊極落》等港產幕後團隊，已落實的新面孔索女不乏網紅，其中34D的葉俙賢(Amber)較為網民熟悉，談論度甚高。

兩位男主角同日生日

無獨有偶，趙善恆擔任導演、張建聲參演的《一秒拳王》屬兩人正式首次合作，《一》片近日正式上畫，兩人竟湊巧地同於3月11日生日，當日更要一齊去戲院謝票；今次他們在《#PTGF出租女友》再結片緣，真係好有緣份，據知趙善恆於片內要畀女圍，平日比較怕醜的他笑言係唔會驚：「之前拍《向西聞記》都有呢種情節，但拍電影好似係第一次，唔會驚呀，大家演員都專業。」

張建聲自嘲年紀大要著衫

張建聲則稱生日願望希望疫情盡快過去，讓港片市場回復正軌，「呢次拍《#PTGF》又同趙善恆梗係正啦，仲要恆仔第一次擔正，梗係要幫拖，同埋老闆蕭定一先生叫到，一支穿雲箭，千軍萬馬來相見，點都要幫手。我個角色今次係做恆仔嘅上司，都係要將恆仔變到翻天覆地，呢次嘅戲有啲過癮位，自己都期待。」張建聲是從網絡小說改編的電影中成長，但《#PTGF出租女友》這部以社會獵奇及黑色幽默為題材的電影，跟張建聲在成名作《一路向西》的片種及演出完全不同，張建聲笑說：「我年紀都大啦，啲衫都要著返晒，呢啲咁粗重嘢交畀恆仔或者一眾年青演員做啦，呢次我係輔助角色，相信都幾好玩。」