PTGF出租女友│開鏡拜神女角晒冷 鄧月平密實扮cool 沙律黑衫遮肉失色 郭奕芯大方襟撈最受歡迎

撰文：東方新地 圖片：東星圖片

《#PTGF出租女友》女演員鬥搶fo

《#PTGF出租女友》電影改篇自真人真事網絡小說，早前公布演員名單，除了男女主角趙善恆及鄧月平，還有張建聲、沙律張沛樂、程美段、郭奕芯、岑珈其、馬俊怡（Rose Ma）、張松枝、秦楚瀅（娜美）、張家希（Jon Jon）、前空姐Shanne以及14位新女演員。這日開鏡拜神女演員齊集，不過唔係個個都搶到fo。

鄧月平全程黑面

照演員名單來看，女主角鄧月平與沙律張沛樂知名度最高，平時放在社交網的照片張張都好養眼，偏偏在開鏡這日二人都黯然失色，令人大跌眼鏡。先講鄧月平，她最大的賣點除了甜美的樣貌，還有出眾的身材，不過這日她選擇全身包到冚，完全冇睇頭都算，鄧月平仲黑面扮cool，影單人相都係唧都唔笑！

沙律自我放棄mode

至於曾在第一季《向西聞記》單元主演《PTGF》的沙律張沛樂（沙律），平時好大方性感絕對冇問題，這日她竟以黑衫黑裙現身，件衫睇落好似有啲透視，不過都係冇少料到，唯一中間有少少Deep V都畀佢一頭長髮遮晒，自從同Error的保錡拍拖後，沙律似乎自我放棄，心廣體胖變得愈來愈大隻！

郭奕芯打頭陣出場

兩大女主角都放軟手腳，性感女星郭奕芯見機不可失，谷盡4吋事業線出席開鏡拜神，成為傳媒焦點，她接受訪問時透露在片中客串演「PTGF」波波，由於是片中首位出場，導演要求效果震撼兼人如其名，故戲服相對性感，但毋須上演激情戲，頂盡是性感篤波！

常見問題：

PTGF出租女友的男女主角是？
趙善恆及鄧月平。

鍾培生是否有份投資？
有。