與Jer、Jeremy齊被貼街招追數 肥仔當買教訓慨嘆做生意應親身落場

肥仔直言當買教訓

肥仔今日（24日）出席ViuTV劇集《反起跑線聯盟2》拜神儀式時開腔回應事件，他表示由於已交給律師處理，因此不便再多講，至於未問及是否如報道所指的「遇人不淑」，肥仔意有所指稱買了經驗和教訓，又指出學做生意最好要親身落場。他又稱，與Jer和Jeremy因事件雖然心情受影響，但卻變得更加齊心，又直言3人「有今生冇來世」。

高級日式餐廳結業被爆拖數200萬

Jer、Jeremy及肥仔合資的高級日本料理餐廳於去年開業，不過近日卻突然結業，有報道指餐廳拖數超過280萬，包括210萬食材費用，以及70多萬的餐廳員工薪金和遣散費都未找數，導致有份投資經營餐廳的小股東公司倒閉欠債，兼且被財務公司追數，受影響人數高達百人。

3子被貼街招追數

今日（20日）有傳媒報道指，Jer、Jeremy和肥仔被貼街招追數，有指3子仍未還清供應商的款項，網上再流出3張印住Jer、Jeremy和肥仔的名字及照片，兼寫住「欠債還錢」、「拖欠供應商貨款」字眼的街招。而Jer另一間有份投資的Cafe門口亦被貼上「供應商追數，欠債還錢」的字眼。3子隨後對於合資餐廳發生財務糾紛一事，回應傳媒表示正在了解事件，並稱已交由律師跟進。另有報道指出，有3子的熟人表示他們只是入世未深、遇人不淑，有份投資餐廳的股東現時都處於被動狀態，只能交給律師去處理釐清相關問題。

結業餐廳由日本料理達人管理

有報道指出，結業的餐廳由一名自稱是「日本料理達人」的Jacky Ip管理，據悉對方擁有10多年管理日式餐廳的經驗，他於2014年起出任環球飲食文化集團有限公司行政總監，管理北海道牧場餐廳、牛摩日式火鍋、HOKO FARM、麺道、漁釧等日式食肆，旗下餐廳於2017年曾出售部份股權予中國綠色食品(控股)有限公司（Food Yard Dining Group），但當中部份餐廳因經營不善而在幾年前結業，他旗下的拉麵店「麺道」早前亦疑因經營不善，於今年5月底結業。至於今次捲入財務糾紛的餐廳，亦被指全與「Food Yard Dining Group」的集團有關。

Jer、Jeremy少落鋪 每次落鋪宣傳收1萬

爆料人指三子為了提高餐廳的私隱度，所以選址於人流不多的將軍澳豪宅區。三子亦知道選址太偏僻，加上交通不便，所以早就提出三子輪流到餐廳坐鎮吸引客源。不過三子中就只有肥仔勤力落鋪，其餘兩位大股東Jer和Jeremy都甚少蒲頭，開業半年只到訪餐廳兩次。

曾有人提出請KOL落鋪宣傳

在開會討論宣傳策略時，曾經有人提出邀請KOL落鋪宣傳，但卻被Jer否卻。據知Jer認為三子人氣高企，自己生意就自己宣傳返。從流出的對話截圖中可見，肥仔曾講明三子每個月到餐廳食一次飯宣傳，不過Jer同Jeremy每次落鋪都要收1萬元「宣傳費」，並且不會打開房門或者同客人一起食飯。

3子私下呻遇人不淑 曾追問餐廳資金流向

不過Jer、Jeremy同肥仔方面就爆出另一版本，指3子真金白銀投資過百萬，亦曾經追問餐廳的資金流向情況，不過就一直不獲回覆。心灰意冷的3人大呻覺得遇人不淑，所以就決定執埋餐廳一了百了。

肥仔就餐廳結業曾親作回應：生意難做呀

對於餐廳結業一事，肥仔於早前接受其他傳媒訪問時回應指「無乜嘢，師傅話我今年唔適合做餐廳，我咪唔做囉」，同時更指「生意難做呀」，不過就避免回答有關餐廳損失金額問題。至於拍檔Jer及Jermery對於餐廳結業，肥仔表示「佢哋都接受嘅」，同時宣布自己暫不會再做飲食生意，專注發展演藝事業。

OpenRice：燒鳥店已結業

OpenRice Hong Kong FB專頁今日（15日）發帖表示：「突發 AK、Jer@MIRROR +肥仔@ERROR 燒鳥店已結業」。涉事餐廳就是AK（江熚生）、Jer（柳應廷）、肥仔（梁業）尖沙咀串燒店「影之鳥」。從OpenRice網站可見，該餐廳寫了「已結業」。

「影之鳥」IG證實消息網友爆料：上個月無晒佢地嘅應援

另一方面，「影之鳥」官方IG亦證實了此消息，發文表示：「感謝大家一直以來的支持，本店已於8月15日結束營業。訂座退款將會陸續安排，不便之處，敬請原諒。再次衷心感謝大家的支持。」不少網友留言：「上個月無晒佢地既應援，之後AK阿哥出既story, 都估到有事發生」、「好唔捨得」、「留下美好的回憶有緣再見」

網上訂座首日一度爆場

該餐廳前年12月開張，粉絲花籃曾一度排到後巷！3人號召力驚人，「影之鳥」開放網上訂座首日，一個半小時已經爆場，網上訂座更試過排到2月中，花籃多到冇位放，迫爆亞士厘道！AK、Jer和肥仔找來日籍沖繩大廚仲泊大阿Nakadomari Takuma主理食材。當時AK、Jer和肥仔早前在「影之鳥」門前合照，宣布餐廳即將開張。

TVB藝人唔怕得罪方丈幫襯

在「影之鳥」IG可見，開張至今都有唔少藝人撐場，包括TVB藝人翟威廉、羅天宇、周志康、譚嘉儀，唔怕得罪方丈嚟幫襯，另外仲有Collar 成員Day、Ivy、Candy 同Winka都有來捧場。

網民大爆「影之鳥」5串串燒＄588 網民澄清

似乎有幫襯過的網民爆料，指「影之鳥」有最低消費每人＄500，book位要預繳，仲話一人串燒set，包括牛舌、椒鹽雞翼、雞頸、青椒、甘荀，共5串賣成＄588，未計加一，狠批「唔執先奇！」唔少網民留言都表示驚訝「癲過食神」、「$588 5串串燒 難怪會執笠」、「水魚餐廳」、「5條有2條係菜 588yen都覺得貴」、「以為係日元」、「粉絲是割韮菜本錢」、「唔講以為加咗魚子醬」、「FatBoy自己食唔食得飽？」、「588蚊食到善良同孝順既感覺，抵啦」、「肥仔開間自己都食唔飽嘅餐廳」，不過有網民反擊澄清指$588唔止5條串燒，有壽司同刺身，第二位可以半價。

「影之鳥」負評鏡粉大鬧4宗罪

睇返OpenRice「影之鳥」的食評，其中一個負評指自己係鏡粉，係真實食評家。首先指book位時已4大規則，1最低消費每人＄500，2是book位時需要預繳費用，3是用餐時間為1.5小時，4食甜品「九龍珠」一定要預先book定。該鏡粉指book位時已感覺不安，認為餐廳太多限制，佢係嚟享受美食，感覺有啲趕客，但作為鏡粉都決定要支持吓。事主去到後表示環境非常舒適，對環境非常滿意。

不過第2個問題就係侍應服務態度就唔多掂，認為價格咁高，應該有優質的服務，結果因為侍應太忙，都無耐性去答佢問題，好似去咗茶記的感覺。

第3點，事主表示佢已經無揀貴價的食材，因為整個菜單都係偏貴，覺得串燒無太大的烹煮技巧，似乎性價比唔夠高。

最後第4點事主認為因為用餐時間只有1.5，作為一間居酒屋已經唔啱，想傾吓計，飲吓酒慢慢食串燒都唔得，整體都感覺好趕客，為去一次就夠。

價錢昴貴似中伏

而另一篇負評就有網民見佢哋門面幾靚所以幫襯，指自己叫咗個壽喜燒牛肉鍋，接近＄600，但得5片牛肉，而且有2片仲要係黑黑地，覺得自己中咗伏，表示其他食物都係唔好食。

「影之鳥」一開業即爆場 OpenRice多正評

該餐廳前年12月開張，粉絲花籃曾一度排到後巷！3人號召力驚人，「影之鳥」開放網上訂座首日，一個半小時已經爆場，網上訂座更試過排到2月中，花籃多到冇位放，迫爆亞士厘道！AK、Jer和肥仔找來日籍沖繩大廚仲泊大阿Nakadomari Takuma主理食材。當時AK、Jer和肥仔早前在「影之鳥」門前合照，宣布餐廳即將開張。睇返OpenRice「影之鳥」的食評，「影之鳥」正評多多指餐廳環境舒適，又門口放咗好多應援物，非常啱鏡粉幫襯。