MC張天賦鼓勵唱《記憶棉》唱到跪地中學生：跪地我都淨係試過一次
廣告
近日有一段中學生參加歌唱比賽的影片在網上瘋傳，片中學生演繹MC張天賦的歌曲《記憶棉》，期間唱到激動處除了破音外，仲唱到跪地，引起網民熱討，指他是個「有故事的人」，又大讚他「勇氣可嘉」、「真心respect」等，連原唱MC張天賦都被驚動，轉載了這位中學生的演唱片段，並作出鼓勵！
中學生唱MC張天賦歌 獲頒「最佳台風獎」
該段中學生唱歌的片段，原片已在YouTube上載了近一個月，近日片段忽然被瘋傳，原片亦因此大受網民關注，瀏覽量在短短一日內升到逾5萬之數，有網民提到原來這位中學生當日在比賽上，成功奪得「最佳台風獎」，網民紛紛大讚：「感情分滿分，respect」、「同學仔好投入好認真去做一件事情，單係呢點已經值得鼓勵」、「睇得出佢係一個有故事嘅人」、「feel到佢有種傷痛」、「佢唱嗰陣可能好多回憶」等等。
MC張天賦提醒中學生：小心把聲
MC張天賦亦在其社交網限時動態中轉載了這位中學唱歌的片段，並表示：「先唔講唱功，但真係想鼓勵下佢！喺台上就係應該要毫無保留地盡情表演！呢位哥仔冇怯場、冇緊張！繼續加油！不過小心把聲。想當年SING CON，我淨係敢望住地下，手震晒。」並特別Hashtag說：「跪地我都淨係試過一次」。
MC張天賦：唔准笑人，要笑就笑我
之後MC張天賦又上載了一段他自己在少年時代練歌時的片段，片中的他眯著眼唱得十分投入，也一樣唱到破音，他表示：「好嘅嘢要重溫」，並說：「唔准笑人，要笑就笑我，唱歌係咁㗎啦，唱下唱下就好聽㗎啦！」又Hashtag說：「全是感情」。
撰文：東方新地圖片來源：YouTube@Unify Kyc、IG@mcheung1201資料或影片來源：YouTube@Unify Kyc
