COLLAR｜Marf自爆初戀遇「賤男」 情竇初開公園過夜被奪初吻

Marf一見鍾情

21歲的Marf在商台節目《公子會》暢所欲言，自爆初戀發生在中四時，她形容對方是一位好神秘的男同學，二人在學校的音樂室初見，Marf就被對方這種氣質深深吸引住，說起這段初戀，Marf指男友性格較悲觀，不過為人成熟喜歡與人聊天溝通，與她一拍即合。

Marf為見男友由荃灣行去美孚

Marf被問及第一次初吻的「案發經過」，她說當晚男友深夜收到前度女友電話即向Marf匯報，不過就話好想見到Marf，當時住在荃灣的Marf竟邊與男友傾住電話，邊行去美孚與對方見面。Marf說：「其實我哋一齊之前，認識唔係好耐，我本身想認識耐啲先拍拖，但佢又同我講『你真係唔試下？不如你試下啦？』。」

公園過夜直接返學

Marf與初戀男友相約在美孚新邨旁邊的荔枝角公園「嶺南之風」見面，她憶述當時氣氛好好：「夜晚暗暗地， 對住鍾意嘅人特別有feel，我哋傾傾下偈突然靜咗，我望向地下，佢望住我，突然捉住我下巴錫咗我一下。」Marf 15歲未成年就可以自由出夜街，更與男友在公園過夜，等到日出才離開公園直接返學，獻出初吻後Marf話自己整日都嘴角含春。

初戀一星期Game Over

故事發展看似很甜蜜，但好戲在後頭，Marf表示接下來的事情很震撼：「其實我哋喺埋一齊只有一個禮拜。」初吻發生後的三、四日，Marf的直覺感到有事會發生，放學後與男友行街已覺對方有點奇怪，講byebye時男友叫Marf回家後聯絡自己，Marf心急到在屋企樓下已致電對方，果然是被分手。

森美戥Marf唔抵封男方「高級賤男」

原來Marf的初戀男友未能放下前女友，所以提出分手，森美在節目中直斥：「死啦你，又叫我試下！」一眾主持人更分析其男友是想利用Marf來「頂癮」，不過Marf仍維護前度，指男方分手後一個月曾道歉，想以朋友身份再認識她，至今二人仍不時聯絡。不過森美依然戥Marf唔抵，封對方為「高級賤男」：「你諗下佢幾賤，明明有個Ex就奪咗你初吻，三日後就同你分開，又同你講『我唔係賤人』，呢啲仲唔係高手？」

去片，睇Marf講初戀：

被爆同「Payme乞衣」拍拖？

早在比賽前，連登討論區就有網友以「Marf 邱彦筒同Payme乞衣拍拖」為題開Post，爆Marf與模特兒盧思睿疑似拍拖。網民指盧思睿曾於Instagram分享Payme QR Code，叫大家給利是，從此被網民以「Payme乞衣」稱呼。亦有網民聲稱盧思睿是「媾女王」、渣男。有傳媒向COLLAR女團經理人阿Wing查詢，她表示不回應私人事。