Youtuber Kenny周街影女過度集郵捱批 卻被大前輩思覺老師激讚？
影相技術有一手 蘇小小都係fans
對於拍開YouTube的Kenny來說，影相技術都唔錯，一個自拍就將自己與合照者影到同框，再加上佢嘅招牌笑容，認真夠晒煞食。電腦節上Kenny更搵到唔少身材出眾的KOL或是Promote Girl一同合照，讓Fans都一飽眼福！而另一位靚女KOL 蘇小小原來都係Kenny fans，兩人互相都唔放過機會合照！
被網民轟「未經批准亂影女仔」
Kenny除了會同唔同女仔合照外，同樣有時都會在拍街上風景時，更不時將女性的樣貌和身材拍攝並上傳到IG，當然隨之被網民鬧爆。不過Kenny亦在相關post中回應指：「我仲單身，鍾意我要主動出擊喇！」。
思覺老師都大讚？
唔好以為Kenny係突然爆紅，事實上本港第一代「行為藝術YouTuber」始祖思覺老師早就在Kenny爆紅前有力讚過Kenny好嘢，可謂「眼光獨到」。思覺老師原來曾經出片談論過Kenny ，他大讚對方好嘢，成日出去食，自己只能食宿舍飯同自己煮。而他更前往談論他和Kenny的短片中留言大讚，可謂跟對方惺惺相識。之後會否聯同Kenny及其阿媽三重「藝術演奏」？
母親的化學反應超級爆笑
Kenny Chan近幾個月爆紅，最大原因便是他母親出鏡之後，兩人之間的化學反應十分之引人入勝，兩人更不時就著宗教去作出辯論。Kenny媽媽更時不時會唱「靈歌」，在鏡頭面前「dodododo」唱歌，更不時叫觀眾「信耶穌」。
「宗膠大戰」引起狂潮
由於母親經常耶穌前耶穌後，Kenny明顯頂唔順，然後開始用佛教形式去還擊，在母親傳教時突然大爆「喃嘸阿彌陀佛」，由於舉動十分惹人發笑及具化學作用，因此令一眾網民大為捧腹，雖然他激到母親扎扎跳，但激完之後又會暖男地請母親又食又飲，實屬一個孝順仔。
網民：Kenny不傻
有網民認為Kenny行為其實並非龍心、劉馬車的同類，Kenny在鏡頭前他的談吐其實也十分正常，反而她的母親更有「行為藝術」味。有網民更指出其實Kenny媽媽細細個就拋低Kenny，又令他營養不良，更出軌導致兩老分裂。到大個之後，她不去拎綜援或者找工作，直接在家中「躺平」；Kenny則要擔起大旗，返工養家交租。Kenny對母親以及父親的態度明顯不同，講到尾都係一個孝順仔。
「愛你啾咪」成為潮語
Kenny更是成功在YouTube上開辟一條獨特套路，會因應Fans的需求而拍片去「代Fans說話」，而當中一句「愛你啾咪」亦成為了網民瘋狂模仿的語錄。目前他的「代Fans說話」暫時都未能取代到，成為獨當一面之YouTuber。
