Jumbo曾淑雅性感bra top行山 網民直斥引人犯罪

靚相過萬like走唔甩

30歲嘅曾淑雅（Jumbo Tsang）早出道，多年嚟吸納咗唔少粉絲，IG粉絲人數早已近60萬，係咁易喺社交網上載一張靚女相，閒閒地都過萬人like，不過Jumbo絕不欺場，三點式性感相任睇，近年仲多咗好多bra top運動look，因為Jumbo除咗愛上行山，亦不時放做運動視頻上社交網。

被封「山系女神」嘅Jumbo不時分享行山照片及路線，過去一年行遍香港九龍新界嘅山頭野嶺，最近一次行到去屯門，Jumo喺著名打卡勝地「彩虹欄杆」影咗大量靚相，全身半身大頭乜都齊，不過大家都肯定錯晒重點，唔係欣賞條欄杆同風景，係欣賞Jumbo嘅健美修長身形囉！

修長身形搶fo

呢日Jumbo身穿白色bra top加紅色運動長褲，174cm身高同對長腿真係好搶fo，全身衣物都咁貼身，乜都現晒形，有網民睇完呢輯相，直斥Jumbo著到咁去行山簡直係引人犯罪，著得少都投訴？下次Jumbo著樽領衫去行山好唔好？