IT狗｜向《英雄本色》致敬 陳湛文神還原經典Mark哥角色

文：東方新地 ｜圖：ViuTV《IT狗》截圖、電影《英雄本色》截圖、IG@chancharmman、Facebook@美劇咁樣睇截圖

IT狗 向《英雄本色》致敬

由凌文龍、陳湛文、岑珈其、陳漢娜、楊樂文、余逸思等主演的ViuTV原創劇《IT狗》劇情啜核搞笑，近日掀起不少話題。昨晚(19/1)播出第八集又有驚喜，劇情講述聲名盡喪的Paypayduck意外獲得環保KOL Charlotte（倪晨曦 飾）青睞，為她的婚禮收取電子人情。而男B(陳湛文飾)就請來最強Hacker「東邪」(李靖筠飾)幫手，期間男B自覺失職而黯然離職，而阿信(凌文龍飾)堅持要尋回失聯的男B。然後鏡頭一轉便上演一幕「IT狗」版的《英雄本色》，失業的陳湛文推著手推車走過，阿信驚見他走路時右腳一拐一拐，二人重演港產片《英雄本色》中，豪哥(狄龍飾)出獄後在停車場重遇Mark哥(周潤發飾)的經典場面，最搞笑是當阿信問男B為何一拐一拐走路時，陳湛文竟然答：「腳痺」，實在令人笑到肚疼。

原址停車場實地拍攝

網民睇到拍案叫絕，其實《IT狗》劇組亦花盡心思，專登去到《英雄本色》的原址土瓜灣停車場實地拍攝，連角色的裝扮及道具都跟到足，甚至Mark哥戲服上的穿窿位都做到十足十，非常有誠意。而神還原Mark哥的陳湛文凌晨在社交平台亦感觸發文，答謝一班演員及幕後工作人員：「我諗我哋全team都既緊張又期待呢一幕，雖說呢一幕有戲仿成份，但我同小龍拍攝時其實好緊張，就正正因為佢係《英雄本色》、正正因為佢係狄龍、正正因為佢係周潤發，佢哋都係站於香港電影界一個好重要嘅位置。呢一幕係簡導由衷想向《英雄本色》致敬嘅一筆。能夠成為向經典致敬嘅一員，喺感動萬分之餘，伴隨住嘅係見到一種曙光……因為曾經有一段時間，紛紛眾說「青黃不接」，我唔敢講我哋接到/接咗棒，但我想講而家已有一班傻佬傻婆不繼咁開拓、探索緊一個未知嘅新世界。」

《IT狗》FAQ
問：《IT狗》中的Johnny仔之前拍過哪些作品？
答：《IT狗》演員陣容包括凌文龍 、 Lokman（楊樂文）、 陳漢娜 、 岑珈其、 Frankie（ 陳瑞輝）、 Stanley（ 邱士縉）等，其中飾演Johnny仔的鄧子超早已參演過不同電影作品，詳情請看專訪「鄧子超飾Johnny仔 小鬼跳出井底 尋演戲夢」

問：《IT狗》全劇幾多集？何時大結局？
答：《IT狗》全劇20集，1月10日首播，如果不受賀年特備影響，大結局將在這天播放⋯⋯按此看詳情