Do姐訪問Chantel、Yumi狂問After Class散咗未仲建議組合要改名

《口水多過浪花》Do姐問After Class：係咪散咗㗎啦？

Do姐在節目講到After Class除了Chantel和Yumi外，還有成員Gigi炎明熹和Windy詹天文，其中Gigi好忙，Windy亦有自己的歌要出，Do姐指以前四人也試過一齊上《口水多過浪花》，笑問：「依家你哋係咪散咗㗎啦？」引來兩人急急否認，並強調組合仲會出新歌，Chantel透露她去紐西蘭讀書前已錄了一首。

Do姐 After Class四人去年3月亦曾上過《口水多過浪花》接受訪問。 — After Class四人去年3月亦曾上過《口水多過浪花》接受訪問。（圖片來源：FB@口水多過浪花）

提議組合可以改名叫「畢業女生」

Do姐再指今次Chantel放假返港以來，都冇見過After Class四人合體，兩人解釋因為大家各有各忙，所以很難夾到時間見面，Do姐追問係咪暫時「休團」？Chantel話只係暫時冇機會合體，Do姐即表示：「再合體就唔應該叫After Class，應該叫『畢業女生』喎！」到節目結尾，Do姐更再度建議將來四人再合體時，她們就要認真諗諗組合要改咩名！

Do姐 Do姐話將來四人再合體應該唔叫得After Class，叫二人認真諗吓要改咩名。 — Do姐話將來四人再合體應該唔叫得After Class，叫二人認真諗吓要改咩名。（圖片來源：YouTube@商業電台 Hong Kong Toolbar）

Yumi呻好耐冇見過Gigi

訪問期間Yumi又提到好耐冇見過Gigi，只在社交網見到她和自己的朋友去旅行，及和同學參加Sing Con等，Chantel即問她：「你係咪想講佢唔要我哋啦？」Yumi即急忙否認，只說大家都太忙。而Chantel返港後，亦只和Windy在化妝間短敍過15分鐘，也未見過Gigi，看來要四人合體的確有難度。

Do姐訪問期間Yumi提到好耐冇見過Gigi，Chantel返港後亦只和Windy短敍過10分鐘。 — 原來在港讀書的Yumi都好耐冇見過Gigi，Chantel返港後亦只和Windy短敍過15分鐘。（圖片來源：IG@chantelyiu）

Chantel想回港讀大學

Chantel在訪問中又講到會在紐西蘭讀書讀到明年12月，之後她想回港讀大學，一來因為要顧及她的歌手事業，二來因為香港始終都是她屋企，她亦好掛住屋企的住家飯。而Yumi明年就會讀中六考DSE，她也表示會留港讀大學。講到未來計劃，原來Chantel和Yumi兩人都想做生意，例如開店舖，但同時亦會兼顧做歌手的工作。