20歲Day@COLLAR獨愛宅男揭表白細節　自爆情史：我鍾意做主動

阿Day自爆情史愛主動撩怕醜仔

現年20歲的Day在電台節目中透露自己其實喜歡怪人，因為她不喜歡對很多人表現主動的男仔，反而會特別留意對她沒興趣坐埋一邊的男仔，經過一輪觀察若發現對方不錯，甚至會做主動撩對方傾偈，她更透露原來第二任男友，正是類似這個情況下相識。

阿Day日前為商台節目《公子會》擔任嘉賓，大談自己的戀愛史。（圖片來源：FB@公子會）

追男仔前先起底問密友：佢係咩料呀？

Day指這個男仔是共同朋友活動中認識，雖然他也有跟其他人傾談，但為人偏靜，因此一直與阿Day不太熟，反而因此令阿Day更留意到他，於是借意坐在男方身邊，又或走在他的身旁借故傾談，劉翁聞言即說：「咁快？心急咗啲喎！」阿Day又說：「我記得嗰陣時，有其他好親密的朋友在附近，我就問『嗰個人你哋熟㗎？佢係咩料呀？』問下對方底細。」眾主持聞言即大笑，火火更說：「點解依家啲人講愛情嘅氣氛咁唔愛情嘅？好似盤人咁樣！」

在節目中阿Day自爆之前兩次拍拖都是她自己主動追男仔。（圖片來源：IG@6y_day）

一向不介意晒自己黑圖的Day，原來平日講說話都可以如此粗魯可愛。（圖片來源：IG@6y_day）

叫朋友撮合率先表白迫供

為了多認識這個文靜男仔，Day竟主動叫朋友幫手撮合他們傾偈，她說：「因為我哋唔係咁熟，要靠互相的朋友拉埋一起。」不過她就強調不是首次見面即叫人撮合，而是見過幾次後才提出。Day直言因自己喜歡特別的男仔，所以很多時會自己做主動。

火火追問阿Day與這個男仔一起，是否她率先表白，阿Day說：「係，其實係我威迫嘅！」阿Day透露當二人成為朋友一段日子後，有大班朋友一齊玩，亦有單獨約會，雖然都感覺到互相都有點鍾意對方，但是一路都沒有進展，這時阿Day就等不及，阿Day憶述：「終於一日去完街之後，兩人單獨一齊送梗我搭地鐵，跟住我同佢講『你覺得我哋依家係朋友定係乜嘢關係？』跟住佢話『我都唔知呀』！」森美聞言即說：「所以你搵個怪嘅人，就得到啲咁嘅嘢，正常嘅男仔追咗你啦！」

阿Day追男仔前，都會先觀察對方，又會要求好友協助撮合約會。（圖片來源：IG@6y_day）

阿Day追男仔十分強勢，更曾主動問對方二人關係，迫對方表白。（圖片來源：IG@6y_day）

讚前男友把聲好聽被指外型似林家謙

一眾主持又迫供問阿Day男方優點，阿Day即指對方把聲好聽，也算靚仔，有點日系可愛感覺，森美問是否像Jeremy或Alton，阿Day即說兩個也不像，更強調對方不是很靚仔類型，自己不是睇靚仔的，又指前男友戴眼鏡宅宅很可愛，眾主持即指林家謙是該類型，阿Day只笑而不語。

阿Day續指自己有跟對方講：「我覺得我都有啲鍾意你，跟住佢話『我都係』」但二人並未有即時一起拖手確認大家關係，反而很尷尬地各自回家。但阿Day回到家並未有等太久，就鼓起勇氣傳短訊問男方：「我哋一齊好唔好呀？」雖然已不記得對方如何回覆，但最終二人真的一起了。

一眾主持向Day迫供，要她講前男友優點，結果總結出男方外形有點似林家謙。 — 一眾主持向Day迫供，要她講前男友優點。（圖片來源：YouTube@商業電台截圖）

阿Day形容前男友有點宅兼戴眼鏡，即被主持指似十足林家謙。（圖片來源：IG@terencelam0903）

阿Day上公子會爆情史

16歲初戀分手最痛

節目中，阿Day又透露自己最傷痛是16歲初戀時分手，這個初戀男友也是她主動追求回來。因為當時阿Day有機會到韓國做練習生，於是跟男友表示暑假要去韓國習訓，但男友就不想她去，更擔心她會放棄學業，要脅她如去韓國就分手，結果阿Day堅持決定，二人最終真的分開。雖然到了韓國，阿Day都有打電話給男友挽留，但對方心意已決，因此這次分手令她十分傷心。主持都認為，因為阿Day鍾情的男子都是宅男，大都缺乏自信，所以才會怕女友去韓國後自己會失去女朋友，因此用了一些很激的方法。