ChillClub頒獎典禮2025︱現場直擊花生！開場場面混亂+得獎者竟然預錄感言

Chill Club頒獎典禮2025︱現場直擊花生

1 | 開場冇旁白介紹場面混亂到超尷尬

今晚頒獎典禮一開場，由Joey Tang獨奏結他率先登場，隨後一眾作曲、作詞、監製等幕後功臣輪番出場。然而，由於現場沒有旁白逐一介紹，僅靠字幕顯示身份，場面顯得十分尷尬，大家似乎都不知該何時退場。緊接著，新人、女歌手、組合和男歌手按順序登場，但台上一班歌手唔係企錯位，就太早落台，顯得手足無措，場面相當混亂！

chill club頒獎典禮2025︱花生位全部歌手出場嘅時候都好尷尬（圖片來源：ViuTV） — 全部歌手出場嘅時候都好尷尬（圖片來源：ViuTV）

chill club頒獎典禮2025︱花生位疑似因為現場指示不清晰，搞到陳蕾都落早咗台。（圖片來源：ViuTV） — 疑似因為現場指示不清晰，搞到陳蕾都落早咗台。（圖片來源：ViuTV）

2 | Jay Fung、許廷鏗打頭陣試音響

每年CHILL CLUB頒獎典禮都會邀請一眾歌手同台獻唱表演，今年由許廷鏗、Jay Fung和Jace聯手演繹《一人之境》、《世一》、《到底發生了什麼事》和《MegaHit》。素有「唱家班」之稱的許廷鏗和Jay Fung一如既往表現穩定，網民紛紛讚道：「又搵許廷鏗試音響」「JF真係好穩」。然而，Jace一出場時似乎因為過於緊張，表現略顯失準，頻頻走音！

chill club頒獎典禮2025︱花生位許廷鏗超水準唱出《無人之境》（圖片來源：ViuTV） — 許廷鏗超水準唱出《無人之境》（圖片來源：ViuTV）

chill club頒獎典禮2025︱花生位 Jay Fung唱得超穩。（圖片來源：ViuTV） — Jay Fung唱得超穩。（圖片來源：ViuTV）

chill club頒獎典禮2025︱花生位但係Jace就有少少緊張。（圖片來源：ViuTV） — 但係Jace就有少少緊張。（圖片來源：ViuTV）

3 | 得獎者全部預先錄感言場面詭異

當頒發「音樂第一歌曲獎（流行歌曲）」時，第一首獲獎歌曲《會再見的》由Jay Fung奪得。不過Jay Fung仲未走到台上，得獎感言就已開始播放，搞得全場觀眾一臉茫然，主持Thor甚至忍不住說：「情況好似有啲詭異咁。」不過佢隨後解釋，原來所有候選人事先都已錄好感言，每位得獎者一上台，就會播放他們預錄的感言。

不過網民們都對呢種新方法感到好不滿：「得獎者冇得即席講得獎感受，係可以好好控制時間，但得獎者上到台，咪都冇支，只係聽錄定開致謝，個得獎者就勁老尷尬咁企喺嗰台到，規感覺好差」、「得終身成就獎有得講」、「係邊個天才諗到預錄得獎感言嘢都冇得講就落返去」等。