Chill Club頒獎禮2025｜7大時裝車禍代表 歌手競逐「最佳衣著獎」各出奇謀
廣告
《Chill Ciub推介榜年度推介24/25》於今晚假啟德體育園體藝館舉行，作為唔少網民關注嘅樂壇盛事之一，今晚一眾出席歌手都盛裝打扮現身。今屆頒獎禮更增設「現場最佳衣著獎」，相信各位嘅服裝一定會更加特別，以下將會為大家整理今晚頒獎禮嘅服裝災難！
Chill Club頒獎禮2025目錄
「最佳衣著獎」洪助昇韓風造型奪獎
「最佳衣著獎」由今晚出席嘅歌手們互相投票下選出，雖然今年出席嘅歌手大部份都係以型格服飾示人，端莊得嚟未見浮誇搶眼打扮，Aiden所著嘅係全黑西裝禮服，官仔骨骨加靚仔樣，都好有韓仔feel，奪獎後嘅Aiden冇得講感言，不過就畀機會佢喺舞台上行吓cat walk，全場粉絲瘋狂尖叫。
JFYT「hot爆」登場慘食白果
新組合 5強「JFYT」未能打入三甲令不少觀眾感到不滿，這夜JFYT有2位成員外遊、隊長周殷廷因為要以個人身份走台未能參與，只剩下床哥和米爺做代表出席，兩位似乎將5個成員的服裝都著上身，代表了5人的精神，好Hot！可惜二人跟身旁的男新人大熱Teddy Fan（范梓謙-叱咤生力軍男銀）都未能奪獎，事後三人在YouTube直播中表示，來年或分拆成以不同新組合，再闖樂壇！
Serrini髮型致敬「梨」
Serrini就一如以往以搶fo造型登場，雖然今晚Serrini嘅禮服冇咩特別，但係手捧梨公仔出場嘅佢就在髮型上落足心機，搞到唔少網民都話Serrini嘅髮型驟眼睇都有啲似「梨」！
WinWin驚現「透視裝」
WinWin今晚以超型格風造型登場，雖然服裝上超豐富色彩已經夠曬搶fo咩，不過唔少網民都話WinWin出場時下身驚現「透視裝」，同背後嘅射燈幾乎融為一體……
麗英超大花邊裙夠搶fo
近年開始現身各大頒獎禮嘅麗英今晚亦係出席歌手之一，今晚麗英就以黑白配造型登場，雖然服裝上就中規中矩冇咩特別，但係孭住超大花邊出場嘅造型都成功引嚟唔少網民關注！
ERROR保錡大Deep V力撼Tyson Yoshi
ERROR今晚嘅造型可謂繼續「騎呢風」，不過幾位成員今晚嘅造型比起保錡就相當輸蝕，皆因今晚保錡以大Deep V服裝騷肌示人，似乎想挑戰近年經常在頒獎禮上騷事業線嘅Tyson Yoshi！
Beanies睇落唔似同一隊
Beanies今晚以白色為主調嘅服裝示人，不過成員張天穎（Jaime）嘅服裝就「出曬事」，除咗髮型搞到顏值大插水之外，連服裝嘅安排都同其他成員格格不入咁！
