Bob林盛斌大女霏霏玩你問我答親解帶男友見家長原因直言非初戀為性感照解畫

林盛斌大女霏霏親解帶男友見家長原因

霏霏今次玩「你問我答」以慶祝IG Followers人數突破5,000，被網民狂問有關其男友的問題，當中有網民問到：「咩原因令你會想帶男朋友見屋企人？」她就回答：「實不相瞞佢係我第一個帶上屋企嘅男朋友，我哋其實一齊唔係好耐，個決定亦都唔係好隆重咁樣要見家長，咁啱嗰日屋企有party我父母喺度，我也好耐冇見就話一齊玩咁。不過想畀佢哋見係因為我覺得呢個男仔真係好好，係一個好人亦都好錫我所以就決定可以～ When you know you know!」

霏霏霏霏以性感照作背景玩「你問我答」。（圖片來源：IG@fayelammm） — 霏霏以性感照作背景玩「你問我答」。（圖片來源：IG@fayelammm）

霏霏早前阿Bob出po問大家：「我個女話今晚帶佢男朋友嚟見我，請問有啲咩我要注意？」引起網民紛紛出主意，亦令霏霏人氣急升。（圖片來源：IG@bob_lamshingbun） — 早前阿Bob出po問大家：「我個女話今晚帶佢男朋友嚟見我，請問有啲咩我要注意？」引起網民紛紛出主意，亦令霏霏人氣急升。（圖片來源：IG@bob_lamshingbun）

霏霏霏霏大讚男友人品好，亦都好錫佢。（圖片來源：IG@fayelammm） — 霏霏大讚男友人品好，亦都好錫佢。（圖片來源：IG@fayelammm）

揭與男友相戀經過

霏霏又以英文同網民分享了她與男朋友相戀的經過，原來二人透過霏霏閨蜜的直播而認識，開始交談後發現大家想法好一致，相處的氛圍亦非常好，之後對方就邀請了霏霏跟他約會及當他的女朋友。霏霏直言男友並非其初戀，但自己是對方的初戀，又透露男友是香港人，就讀於國際學校，故一口英語說得相當流利。至於男友如何追到她，霏霏笑言：「呢個你要問佢wo，真誠掛？」

霏霏霏霏回答了有關她的性感造型問題，更大曬靚相。（圖片來源：IG@fayelammm） — 霏霏回答了有關她的性感造型問題，更大曬靚相。（圖片來源：IG@fayelammm）

霏霏原來霏霏好早熟，今次已非第一次拍拖。（圖片來源：IG@fayelammm） — 原來霏霏好早熟，今次已非第一次拍拖。（圖片來源：IG@fayelammm）

拍拖獲父母支持

霏霏指一段感情的經營，需要兩人「不斷不斷溝通，不斷不斷原諒」，獲網民大讚雖然只得16歲，但想法已好成熟。當被問到父母對她拍拖會唔會好抗拒？霏霏就回答：「冇，佢哋不嬲都好支持我。」有網民再追問：「你覺得做你男朋友嘅人會唔會好大壓力（因為你係星二代）」霏霏轉頭就cap圖問男友，之後再和網民分享他們的對話，只見男友回答：「唔會，因為我鍾意你個原因，係因為你個人，唔係因為你個背景。」相當Sweet！

霏霏霏霏指父母沒有抗拒她拍拖，反而好支持。（圖片來源：IG@fayelammm） — 霏霏指父母沒有抗拒她拍拖，反而好支持。（圖片來源：IG@fayelammm）

霏霏霏霏將網友的問題拋畀男友。（圖片來源：IG@fayelammm） — 霏霏將網友的問題拋畀男友。（圖片來源：IG@fayelammm）

為低胸性感照解畫

此外霏霏近日分享了幾張低胸性感照，有網民就問她：「父母介唔介意你着得暴露？」她就說：「一定有少少嘅，但係其實我出街除咗真係好熱之外，真係其實唔會着到好暴露，就算係嗰件粉紅色衫，我都係淨係屋企同個friend影相着，出街着可能都係朋友party或者nightout先會考慮。」

霏霏霏霏早前曾穿著低胸緊身衫對鏡自拍。（圖片來源：IG@fayelammm） — 霏霏早前曾穿著低胸緊身衫對鏡自拍。（圖片來源：IG@fayelammm）

霏霏這件粉紅色喱士吊帶背心，霏霏表示淨係屋企同個friend影相着。（圖片來源：IG@fayelammm） — 這件粉紅色喱士吊帶背心，霏霏表示淨係屋企同個friend影相着。（圖片來源：IG@fayelammm）

霏霏（圖片來源：IG@fayelammm） — （圖片來源：IG@fayelammm）

霏霏對於分享的性感相，霏霏話佢媽咪都讚好靚。（圖片來源：IG@fayelammm） — 對於分享的性感相，霏霏話佢媽咪都讚好靚。（圖片來源：IG@fayelammm）

夢想踏上舞台表演

有網民更直接問霏霏為何經常騷胸，霏霏就以英文反問：「因為我擁有它們，及有些衣服是為了展示乳溝而設計？必須要愛護你的胸部，我們可以一起欣賞胸部兩秒嗎？」最後霏霏更講到自己夢想的工作，原來是踏上舞台表演，但她並無解釋是舞台劇還是跳唱方面的表演，只是堅定地說：「我會達成它。」

霏霏霏霏夢想的工作是踏上舞台表演。（圖片來源：IG@fayelammm） — 霏霏夢想的工作是踏上舞台表演。（圖片來源：IG@fayelammm）

霏霏網民都讚霏霏係潛力股，期待佢入行。（圖片來源：IG@fayelammm） — 網民都讚霏霏係潛力股，期待佢入行。（圖片來源：IG@fayelammm）

阿Bob勁讚阿女男友有3大優點

對於女兒的男朋友，阿Bob回應傳媒時，就力讚他有3大優點，包括幾高大、幾靚仔、幾有禮貌，更指阿女男友說話有紋有路，唔會古靈精怪，已好過17歲時的他。阿Bob又表示自己絕不會對阿女男友做尷尬事，只是簡單地與對方溝通，了解了一下對方的背景，並沒有刻意留難他，他更指當晚聚會有其他朋友在場，朋友都讚阿女男友大方得體。

霏霏新年期間阿Bob一家六口都有出動拜年。（圖片來源：IG@bob_lamshingbun） — 新年期間阿Bob一家六口都有出動拜年。（圖片來源：IG@bob_lamshingbun）

霏霏去到阿姐汪明荃家拜年時，更見到MIRROR成員Anson Lo盧瀚霆和Edan呂爵安。（圖片來源：IG@edanlui） — 去到阿姐汪明荃家拜年時，更見到MIRROR成員Anson Lo盧瀚霆和Edan呂爵安。（圖片來源：IG@edanlui）

霏霏16歲生日Bob曾發文嘆：愈來愈擔心

霏霏在去年5月31日踏入16歲，當日Bob曾在社交網貼上與大女林霏兒合照，並留言：「大家姐，霏霏，咁就16歲。呢啲款，我細個嗰陣，溝硬，唉，真係越嚟越擔心……」不少網民留言大讚霏霏「女大十八變」、「霏霏好靚女」，大家都向霏霏送上生日祝福之餘，當中有網民更笑指Bob：「主持女兒的婚禮不是夢」、「你要擔心三次」。