Anson Lo 生日｜直撃壽星仔流淚向神徒講：你哋每一日同我講唔使衝得咁快

Anson Lo到場即叫大家記得飲水

Anson Lo約2小時拍片放上社交網，同各位粉絲講前一晚心血來潮預告自己今日會在中環同大家見面，他希望當天開心之餘，大家亦保重身體，小心中暑同注意安全。

約5時20分許，主角終於嚟到中環啦！身穿白色長袖冷衫的Anson Lo乘坐7人車到達，粉絲即瘋狂尖叫。Anson Lo到場即叫大家記得飲水，又指並今日都係神徒生日，想跟大家講句「Happy Birthday」，並再次向粉絲致歉，因自己到場而引致混亂，同時每一位神徒都很重要。之後Anson Lo便跟粉絲大合照，以及進行切蛋糕及許願儀式。

Anson Lo感動流淚：你哋每一日同我講我唔使衝得咁快

Anson Lo在台上講感受時仲感動流淚！Anson Lo表示：

「好坦白講啦，我知道要跟隨着Anson Lo呢個人係有啲攰嘅真係，我都feel到大家會攰，有時會吃力，你哋會有失望嘅時候，我有做得唔好嘅時候⋯」

Anson Lo一度哽咽，忍不住流淚再說：「但我覺得好sweet嘅原因就係，你哋每一日同我講我唔使衝得咁快，我可以停低腳步嘅時候，你哋都一齊停低，我想衝嘅時候你哋一齊衝！」

粉絲逼爆中環支持教主

中環海濱亦會舉行「Keep Giving • Keep Loving」活動，公眾可全日免費乘坐摩天輪及旋轉木馬。此外，下午1時到4時，Anson Lo生日主題的雪糕車將停中環六號碼頭對開位置，免費派發粉紅色雪糕。壽星仔Anson Lo日前已預告，在下午5時到中環摩天輪與粉絲見面。