Anson Kong新歌《Blue Monkey》仿效美式MV 有齊靚景加女伴

再獲兄弟Ian獻曲激將法完成高音

相隔三年再由Ian操刀寫歌，AK表示邀歌冇難度，不過Ian卻用激將法要他飆高音！AK說：「Ian好爽快就答應幫我寫歌，冇游說好耐，佢的而且確用咗激將法要我挑戰高音，因為佢咁啱喺最尾寫咗句好高音嘅嘢，我問佢係咪認真㗎？佢就話：『你咪試下唱囉！』」

anson kong新歌blue Anson Kong事隔三年再獲兄弟Ian作曲。 — Anson Kong事隔三年再獲兄弟Ian作曲。（圖片來源：大會提供）

anson kong新歌blue Anson Kong大爆Ian用激將法讓自己飆高音。 — Anson Kong大爆Ian用激將法讓自己飆高音。（圖片來源：大會提供）

新歌名字由來

AK又解釋今次歌名《Blue Monkey》的名字由來，說：「我平時會睇一啲New Age嘢，其中有提及Blue Monkey，代表一個人要玩得開心啲，呢個係喺世界裡面嘅其中一個任務，有啲人會成日唔記得點樣去玩，我之前做嘢都係咁，太認真，唔識玩住去做，結果個人冇咁開心，亦做得冇咁好，最後慢慢發現，有啲嘢可以放鬆啲，輕鬆啲玩住去做，效果會更加好，同Oscar溝通之後，就有呢個歌詞內容嘅決定。」

anson kong新歌blue Anson Kong親自解釋新歌名字的由來。 — Anson Kong親自解釋新歌名字的由來。（圖片來源：大會提供）

anson kong新歌blue Anson Kong表示自己過往唔識玩住去做，因此個人也冇咁開心。 — Anson Kong表示自己過往唔識玩住去做，因此個人也冇咁開心。（圖片來源：大會提供）

anson kong新歌blue Anson Kong新歌的歌詞亦是提醒自己記得放鬆和開心。 — Anson Kong新歌的歌詞亦是提醒自己記得放鬆和開心。（圖片來源：大會提供）

MV充滿外國vibe 愛車之人遇難題

《Blue Monkey》推出之前，AK因為要到紐約參與電影節，所以就有了在當地拍MV的念頭，AK另外補充了今次MV Idea的源頭，道：「平時睇開外國MV都不外乎係Party、女伴，難得去到美國，當然好想拍到咁樣嘅MV，因為外國啲屋好大景又靚，想做嘅效果就似返外國氣氛多啲。」在靚人靚景下，AK拍攝過程也份外輕鬆愉快，更毫不吝嗇大騷八嚿腹肌，他更說：「今次真係有好多靚景，睇極都咁開心，外國地方大，就係因為地方大，唔知點樣選擇。」除了出現選擇困難外，現場拍攝也遇上一些難度，除了因為要遵守當地拍攝規限外，想不到揸車亦成了愛車之人AK的一大難題，他說：「因為我哋租咗架1964年Mustang古董車，揸係要好有技巧，如果唔係好易死火。」不過見AK在MV中有型地開著古董車在美國大街上遊走，相信再多的難題，他仍樂在其中。