Miki自從嫁俾永安太子爺郭永淳、正式成為郭家少奶後，唔使做都可以過闊太生活，ig幾乎清一色係遊埠旅行相，恨死一眾日日做到冇停手嘅港奴。最近Miki又去咗希臘歎世界，仲喪擺chok相晒命，望真啲，Miki其中一套bikini熟口熟面，硬係唔知邊度見過，原來係之前同胡杏兒老公Phil同遊台灣嗰位巨乳富婆知己Joy都着過！

其他文章：

正過吳若希 台灣清純學生妹

初夏必睇韓日劇

Miki偏愛同陽光玩遊戲，鍾意游水曬太陽，ig亦有大量bikini look，但多數遮遮掩掩唔得大方！

相反富婆Joy就唔同喇，近睇遠影自拍乜都有齊，同一套泳衣多個角度，效果仲震撼過Miki好多！

其實呢套bikini係近年大熱品牌Kiini出品，由土耳其設計師Ipek Irgit設計，每件都係人手製造，所以件件都會有些微分別，即使撞色都唔會撞款。即使每件售價高達2千幾蚊港紙，依然深受潮人熱捧！

全文完