想學不老女神擁有白滑美肌？即睇10位女星護膚秘笈

Jul 22 2018

好多女仔肌膚都容易敏感、變差，甚至響起缺水、爆拆嘅警號，想好似眾多不老女神咁擁有白滑美肌？就要即時睇睇以下呢十位女星嘅護膚秘笈，包你肌膚嫩滑無比！

10大女星護膚秘笈！

關之琳食糊仔養顏

大美人關之琳雖然已年過六十，但皮膚好過好多後生女！原來佢以食來護膚：「每朝早我會將木耳剁碎，然後跟紅棗同杞子一齊蒸15至20分鐘，蒸成糊狀，空肚食。呢3樣食物有好多纖維，對腸胃非常好，皮膚自然好，又可以補氣補眼。」

范冰冰日日敷面膜

范冰冰肌膚勝雪，祖籍山東嘅佢直言北方冬天異常寒冷乾燥，妙招就係日日敷面膜！而且會選擇保濕補水型面膜，每日收工回家卸妝潔面，然後瞓低就敷張mask，此外，更唔會固定用某一品牌面膜，會輪流交替使用，這樣可以刺激肌膚，吸收效果更好，自然令皮膚更有彈性同光澤！

舒淇過牛の生活

舒淇雖然平時都好為食，但為了上鏡時樣子更靚，飲食習慣以少食肉、多食菜為主，餐餐必吃大量蔬菜，仲要係有機兼唔使烹調，同牛冇分別！而且舒淇認為充足睡眠很重要，每天最少睡8小時，不行的話至少也要睡5、6個小時，還要多飲水、堅持做運動。她喜歡跑步、打羽毛球、做SPA (水療)，有時早上會預留時間跑步出一身汗，人會精神些，皮膚都會健康些。

另外舒淇有個小習慣，就係每晚臨瞓會飲一杯酒，威士忌或紅酒，她謂：「可能第二日起身會有水腫，有人會飲黑咖啡去水腫，但我每天起床做的第一件事是飲蜂蜜，好過飲咖啡。」

陳慧琳瞓覺大過天

陳慧琳雖然係兩子之母，但無論身形同皮膚都同後生女冇分別！Kelly笑言青春之道在於瞓，笑言睡眠係最好「護膚品」，她謂：「瞓覺係我強項！因為瞓得唔好，整個人冇晒精眼，所以瞓覺好重要！另外，每日早晚都要護膚，包括卸妝、洗臉、爽膚同滋潤，就係咁簡單！」而本身不太喜歡吃補品的Kelly，卻很喜歡吃燕窩，認為多吃燕窩可以養顏美容，令皮膚光滑細膩，不會有皺紋。

章子怡果汁不離身

章子怡肌膚水潤飽滿，佢表示最鍾意飲蔬果汁，一得閒就會自己榨蔬果汁，奇異果、葡萄、紅蘿蔔等更係至愛！佢認為蔬果汁可以為肌膚補充微量元素同維他命，幫助強健膚質，令皮膚鎖水保濕效果變得更好。佢又提醒大家要同佢一樣多飲水，無論係茶定暖水都要飲多啲，再敷mask，更加相得益彰。

鄭秀文注重補水防曬

鄭秀文近年熱愛運動，整個人精神不少，皮膚質素更勝以前！Sammi雖然貪靚，但好少去美容院，認為護膚愈簡單愈好，所以平時甚少化妝，並且特別注重卸妝清潔同保濕這兩個環節，Sammi謂：「補水同防曬係保護肌膚基本步，亦係最重要環節，我平時外出工作，皮膚會好易缺水同出斑，令肌膚失去彈性，所以無論外出或閒在家中，都要防曬！」

另外，Sammi表示心情好壞亦會影響皮膚質素，所以提醒自己時刻保持好心情，多關心身邊人同事，心境自然平靜順心，人都會靚啲！