獲邀到米蘭時裝周 龔慈恩 孖仙氣女試新裝
編輯：東方新地｜原文：東方新地、SundayKiss ｜圖片：新傳媒圖片庫、TVB、龔慈恩微博、林愷鈴IG
天生係Model材料
身高173cm , 高挑身形，加上一副仙氣滿滿嘅面孔，就造就咗林愷鈴踏上Model之路！
今次去米蘭，Ashley試着為時裝雜誌試着咗好多新衫，顏色鮮豔，啱番佢個年紀，夠青春！
好多人都羨慕Ashley嘅身形，又高又瘦，不過Ashley就話唔想再高喇，因為太高會唔自在～
因為身高問題，Ashley細個都有過段唔開心嘅經歷。因為細細已經好高，其他同學都矮佢一截，搞到Ashley好似巨人咁，又叫佢做長頸鹿，所以Ashley覺得好尷尬。
差4分做IB狀元
Ashley就讀中西區直資名校聖保羅男女中學，校內既有本地DSE課程，亦有通行全球嘅IBDP（國際預科文憑），而Ashley就係選讀IB課程嘅。
今年香港學生嘅IB成績好好！全球IB考生有163,511人，平均分為29.78分，合格率為有7成7，而全球考獲滿分45分嘅狀元就有186人，而香港佔其中兩成，共有38名IB狀元！
龔慈恩女 讀港大建築系
林愷鈴早前出席化妝品牌活動時透露，今年入讀港大建築系，佢讀國際預科文憑（IB）攞咗41分(滿分45分)，成功考到第一志願。Ashley雖然唔喺狀元之列，但係亦都考到41分，相當高分數呀！
Ashley仲話讀書向來都會盡力，媽咪對佢嘅學業一向好放心，有時見佢努力應付考試時，怕囡囡太辛苦，反而會叫佢出去玩玩輕鬆一下，佢又話其實細個掛住畫畫同玩音樂，搞到成績唔好，到中三、四先臨急抱佛腳。
佢又透露都接拍咗啲電影，而剛剛拍咗微電影，佢話試咗都好有興趣，依家拍戲係佢兼職。佢又話本想到外國讀書，但覺得現在所有事都好鍾意而決定留在香港。
Ashley早前出席一個時裝品牌MAX MARA活動時，表示已簽了模特兒公司，現時除了出席品牌活動外，還會參加演藝訓練班，先學習一下有關肢體同戲劇的課程，作自我增值，但至於有關演藝拍攝工作，她則稱想裝備好自己先。
Ashley現在依然在學，至於當被問及想會於香港抑或外國升學，她則表示雖然外國有好多好的大學，但盡量想選擇香港的大 學，皆因怕唔捨得屋企人咁話。
開心阿女陪食飯
龔慈恩出席活動時表示，母親節有囡囡陪佢慶祝：「佢之前考完試，好開心，接放學時佢一上車就不停講，佢都滿意，我覺得佢盡力就OK。」龔慈恩更直言自己開心過阿女，因為阿女已有兩個月冇一齊食飯，之前唔係搬返學校住，就係拎飯入房一路溫習一路食，相當大壓力，龔又笑言：「佢依家可以陪我食飯行街，冇藉口喇！」
仙氣林愷鈴美腿吸睛
近年一眾明星的後裔備受關注，其中龔慈恩女兒林愷鈴 (Ashley) 今年只係18歲，身高1.73米，五官標緻身材均勻更有一對修長美腿，影相拍照有台型更有仙氣！
林愷鈴仙氣靚相吸人氣
得媽媽指點後識打扮識影相，更對自己外型愈來愈有信心，Ashley社交網終有大量高質仙氣靚相，比起當年在電視圈以氣質取勝的龔慈恩餅印得嚟更加青出於藍。
星級媽媽做攝影師
早前假期期間，Ashley與13歲弟弟林卓毅乖乖陪着媽媽返教會、齊齊Family Day。龔慈恩與一對仔女有講有笑，感情和睦。不過一眼睇得出，當時17歲嘅大女Ashley比起弟弟得到媽媽更多關注，行到巷仔見到灰牆鐵網夠晒特色，龔慈恩嗱嗱聲叫住囡囡停步，指指點點教女企位擺pose，又較定相機filter，低炒完再高炒，折騰足足幾分鐘，才終於肯收貨，最後仙氣成品由Ashley親自鋪上個人IG。
將會升讀大學Ashley，本來對娛樂圈興趣不大的Ashley近年跟在媽媽身邊見識不少，又常陪媽媽出席老闆杜琪峰家宴，漸漸開始轉軚，不抗拒唱歌拍廣告，還在暑假報讀中史戲劇學院暑期課程學習表演。
Last day 感言（一） 到了中學生涯的最後一天～充滿了對過去六年的不捨，對未來生活的盼望！祝各位同學前程錦繡，老師們一切安好。嗯，掰掰啦聖保羅！ Credits: @rosemaryng
林愷鈴 Ashley Lam（@kaening）分享的貼文 於張貼
Last day 感言（四） 好啦好啦，這是最後一個了，please bear with me! 圖中這四位漂亮的妹紙，是我中學生活的亮點。相比起moron delta, 我們四個的相處模式也算蠻「正常」的 — 每天就是三個responsible 的 moms 帶著我這個（身高上最優勝的）但心智年齡最低的小屁孩。謝謝你們不厭其煩提醒我交功課，簽回條，報考大學，督促我溫習功課。。。能成為你們的baby 實在太幸福了！As an inside joke，我們四個經常會以電影和文學裡的iconic閨蜜組合自比— 以means girls 為例，Karen Smith 的角色就真的非我莫屬了；至於你們三位嘛⋯⋯潑辣的Regina 會是我們的「小鳳辣子」Nikki, 足智多謀的Gretchen Wieners 會是 Zilan, 天真可愛，抱得美男歸的 Cady 會是 Rosemary。但說實話，我們四位跟plastics 的可比性很低 — 雖然她們又「黑心」又蠢，但人家畢竟是白富美的典型代表 — 我們只是四位胸懷壯志的小毛頭罷了。說起白富美，就會想起謫仙記裡的四位大小姐，黃慧芬、張嘉行、雷芷苓和李彤。至於她們四個嘛 — 要是成為另外三位閨蜜也還過得去— 但我祈求命運女神對我們手下留情，別讓我們任何一個變成李彤！
林愷鈴 Ashley Lam（@kaening）分享的貼文 於張貼
(EDIT: 考完試啦😂）終於做翻個自由人。
林愷鈴 Ashley Lam（@kaening）分享的貼文 於張貼
早前Ashley 18歲生日，適逢銀河海潤公司春茗，獲一眾藝人前輩陪佢切蛋糕，當中包括杜琪峰、古天樂、洪天明同車婉婉。
周身刀入行
龔慈恩表面不願干涉女兒未來，實情自細親自教鋼琴，從小送Ashley參加香港兒童合唱團、學聲樂及中、小提琴，一早練就囡囡一身武藝鋪路入行。
早前龔慈恩還上載囡囡及好友合唱英文歌晒Ashley才藝，原來唔只自彈自唱自己用電腦編曲，首歌曲詞都係Ashley自己創作。
劉華欽點拍戲
有樣有才有仙氣，18歲林愷玲未出道已經係大品牌至愛，近年獲邀參與不少品牌活動，今年更靜靜雞接拍杜Sir愛將劉德華監制兼主演的電影《熱血合唱團》，大把前途。有媽媽鋪靚條路，又有神級人物關照，Ashley前途無可限量！
Ashley對藝術、音樂有興趣，自小學習鋼琴、小提琴，聲樂亦已達到8級程度。如果入行，未知會否以「音樂才女」形象示人呢？！
